我每個星期五六日都要自己報下一個星期既更數，
我地係print張紙出來再用人手填寫，然後再由經理安排。
初初一個幾月都仲好地地，每個星期都有報更
而且我都返足哂所有安排好既更
之後既一個星期就因為day off所以返唔到公司報唔到更，
但我知道d同事會打比冇報更既人，因為我之前見過佢地咁做
不過我果日竟然一個電話都收唔到
隔日返左去公司問下同事，佢地竟然話報更紙上冇我個名
所以冇打比我
變左我成個星期都冇工返
自此，之後兩個星期我都親自報更，但係都完全冇左我
真係唔打去問都唔知唔使返工
我屋企人話公司可能係無聲解僱我，或者係
公司夠人用而唔比更我~~因為我只係兼職喎~~
所以我想問下你地，有冇試過3個星期都唔使你返工
而且完全唔通知你又唔解釋?
同埋咁樣做究竟公司有冇唔岩呢??
更新1:
to ekko 1022 : 首先多謝你既解答先, 我好記得我見工時, 兩位經理一齊interview我, 佢地都冇講過你所提及既果種說話, 佢地仲問過我, 過左暑假之後, 會唔會想做落去, 我答左會, 但返左一排, 第三位經理滲左d口風出黎, 話我返埋暑假就會走, 其實已經奇怪左, 不過我冇追問。 另外, 我已經做 多過一個月嫁啦, 所以先覺得有d唔對路, 呢件事上, 其實我都唔係想追究 賠償, 只係想知道有冇一d僱傭條例係保障兼職既人, 事關我冇咩工作經驗 總之唔該哂啦~~^^
