有關公司為員工要準備d乜???

有兩種做法。1. 積極的，會好多野學，好多野做，仲好多責任。 2. 按自己的能力和上司的指導去做，你未出嚟做過野，真係唔識做，除時做了你上司都應為你做得唔好。
一間新公司，要有幾樣文件先可以做生意︰1. 公司註冊處登記（Green Box）- 公司秘書先識做 2. 商業登記 (BR) ，每年交一次登記費。3. 勞保，全職，兼職及臨時工都要買，問保險公司佢地會教識你，不用怕。4. MPF登記，公司有一張，每一個員工有佢地自己個人那張，銀行同保險公司都有做MPF，佢地會教識你。 以上的 2, 3, 4 都有一張正本證書，根據法例要張貼在公司當眼處，買個相架鑲起佢，文具舖有得買，標準裝，你講比佢地知要放呢類文件，佢地會執比你。去銀行開公司戶口，saving & current（你公司應該開了）。
跟住要講設備。你已有寫字樓，電話同電力設施應該已做好了，安排上網服務，長途電話，電腦，影印機，碎紙機，蒸溜水機等。仲有清潔阿姐，抺電話阿姐（兩個唔同人），文具供應商（有些要$300以上先送貨，要先開戶口）。搵 courier 公司。
文件處理︰filing ，分門別類做filing，admin, shipping, marketing, personnel 等，最緊要box file 的名稱清楚，裏面 index 要分得恰當，間間公司都唔同，每個上司的要求都唔同，好難教。
會計︰1. petty cash 要清楚，條數要記錄得好，見單先好比錢，要上司簽批的就等簽批了先放錢出去。2. 入數，收了人客錢，要記錄清楚，最好影印左張票先，錢要第一時間入銀行。 3. 出數（找數）︰到了數期先找數，要記錄清楚，要先從saving 戶口過了錢到current 戶口先好出票，出票前要先影印支票作記錄。每月要埋數，做bank reconciliation，月尾要埋數，每年要做年結（要搵auditing firm 做），做完要交稅局，year-end date 後6個月內要交。
其他︰要幫員工報稅，要做好人事記綠，返工，放假等。制定公司守則，假期，台風黑雨安排等。
另外，亦要睇你間公司做什麼生意而幫上司手做其他工作。
這是一間公司基本的營運，你未做過野，搞唔掂，你先問下你上司，佢想你做d乜。逐樣做，有唔明再寫上來問。唔好比太大壓力自己。逐樣做，逐樣學，你會識到好多野，比心機。

最重要係一份僱用合約,
如果唔清楚份合約點寫,可以參考勞工處的僱傭合約指引.