BB 邊度剪頭髮好呢?

天氣太熱啦,想幫BB剪頭髮,但佢無時停, 根本剪唔到,原因簡單:你出發點是幫BB剪頭髮,你知唔知BB當時太惊啦,一個「金毛」男人(有髮型師的頭髮十分新潮),拿著會動的機器連頭发剪斷,在自己頭上上下出手,唔惊先奇,我有同感經歷。當他見過大人理髮過程,見多咗,他才會覺得舒服,扮靚靚嗎?

幫佢剪頭髮真係超級傷腦筋，就算佢肯乖乖坐低左，到個師傅放把較剪落去時，佢都會郁黎郁去，唔肯比師傅剪
我之前就拎定D佢最鐘意既玩具，去到坐低就比佢玩，不過都係剪得一半，佢就開始郁喇。好在個師傅快手，都剪到個初形出黎
之後我就決定等佢訓左，抱住比師傅剪。係會剪得到既，不過就驚佢突然郁同未必剪到個形咁靚。最後果次我索性自己同佢剪，係屋企開定卡通片，搵埋媽咪幫手，快手快腳都叫做剪到下。
我自己本身就係九龍既，所以唔知香港邊到有...
提埋你，BB剪頭髮最唔鐘意D頭髮整到頸同身都有，會好炆同發脾氣扭計。你可以試下佢剪頭髮果時，搽定D爽身粉係頸同身到，剪到一半又幫佢搽D，咁佢就唔會覺得拮住唔舒服架喇