hamster baby...is going to die...very urgent! 20points

頭兩句唔係幾明,鼠鼠7日大左右開始出毛,16日大左右就出齊毛,唔係幾明點解剛出毛會係1個月大?
A.鼠鼠表現得冇晒力,其實最好盡快睇醫生處理,睇醫生既話可考慮以下資料:
最出名醫鼠既係呢間,但就較貴:
大圍珍禽異獸及寵物醫院 DR.TIGER
Tel: 2687 1030地址:大圍積信街75號地下
http://www.taiwaiexotic.com/

平d可以睇愛護動物協會,但做手術既話,都可能會叫你睇大圍,因為設備不足
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

B.7小時左右忽然咁冇力,可能係中暑,脫水及中暑特徵:
1)行得好慢
2)行路趺下趺下
3)身體發抖
4)呼吸困難
5)甚至摸佢都冇反應

處理方法:
中暑既話就要將鼠鼠拎去涼d既地方,但唔好搵風直吹佢,真係嚴重地唔醒既話,可以俾dd涼既水俾佢,之後盡快睇醫生

為鼠鼠消暑詳細要留意既事可參考以下我回答既知識::
http://hk.knowledge.yahoo.com/question?qid=7008041000759

C.同時要留意,鼠鼠咩地方既毛痴埋晒?鼠鼠既排泄物有冇異常?有冇外傷?有冇第隻鼠一齊住?
擔心鼠鼠有便秘,肚瀉or濕尾症,呢d尾部都會濕而易令毛痴埋,特別係濕尾症,可以一天內令鼠鼠死亡
檢查鼠鼠既便便,你可以拎鼠鼠既排泄物上手咁下,最好係佢排出唻冇耐(過一陣,1分鐘度啦,即摸好易係好林),睇下會唔會好林,唔洗擔心,佢身體冇咩事既話唔會好臭.其實最好係成日咁樣去檢查鼠鼠既排泄物,因為如果之前你冇掂過,就好難分係咪特別林or硬左,我成日都會咁做

D.如非中暑,排泄物又正常,唔會去睇醫生又或未咁快去到既,可以做以下既野先:
1)有第隻鼠既話要分籠,唔係會傳染(鼠鼠本身係獨居動物,冇事都係分籠會對鼠鼠好d)
2)保持周圍既環境衛生
3)唔好俾風直接吹到鼠鼠,要鼠鼠保持溫暖,太熱則可留意返為鼠鼠消暑
4)俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾)
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既.
6)如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

E.鼠鼠既眼睛整到沖涼粉,可以用藥用棉花,加少少微暖既水,抹下鼠鼠隻眼,唔用用棉花棒,較易整親鼠鼠既
整到沖涼粉,會唔會係你放左沖涼粉入籠?沖涼粉係唔可以放入籠既,放入籠好易俾鼠鼠成日都沖到涼,沖太多會令抵抗力下降,一星期同鼠鼠沖一次,最多兩次就可以了

2008-07-31 07:38:35 補充：
好抱歉知道你既鼠離開左,希望你唔好太難過,而鼠鼠死亡要留意既事可參考以下我回答既知識:
http://hk.knowledge.yahoo.com/question?qid=7008021101352

其實任何情況下,鼠鼠出現好冇力既情況,記得最好帶鼠鼠睇醫生