倉鼠問題~~~~(小杏倉BB.小露寶.小銀狐)

唔同意樓上網友答案5既做法,希望網友唔好介意,同埋唔好再咁對鼠鼠:鼠鼠好細小,用牙籤去刺鼠鼠,有機會令鼠鼠受傷,有時用力大左,又或鼠鼠撞埋唻,咁就會好危險;而令鼠鼠受驚咁去阻止,鼠鼠感到壓力,更易有咬籠既問題,改善唔到咬籠,仲要鼠鼠受驚,受驚易誘發疾病,實在唔好用任何方法去要鼠鼠驚會較好

問題較多,字數有限,唔想縮減唻答,所以部份內容可參考其他我回答既知識,已附上連結

1.杏倉成日呢入屋仔,我覺得會有以下既可能:(都可以每樣都有d)
a)新鼠未習慣人同環境,所以比較喜歡呢埋
b)鼠鼠係獨居動物,唔慣同第隻鼠一齊住,有第隻鼠會感到壓力,受驚之類,咁都會呢埋
c)如b點,鼠鼠為左要霸地盆,而佢想佔據屋仔,都會唔出唻
d)天氣熱都會較少活動

2.新鼠好多時會出現初頭唔咬人,之後咬人既情況,因為最初唔了解對方實力(你隻手),了解多左,而面對既環境比之前慣左d,咁就先再去咬人
你一籠兩鼠,鼠鼠已感到壓力同受驚,你仲一買返唻就掂佢,兩面受壓,鼠鼠為左保護自己,所以就會咬你
你隻手有小露寶而咬你都唔出奇,因為佢地一齊住,佢都唔會慣對住小露寶,其實你會諗到你隻手有味而咬人,咁小露寶本身一定會有自己既味,可想而知,佢地一齊住實在好危險

首先要將兩隻鼠分籠,其實新買鼠應該頭兩日俾鼠鼠一隻咁去習慣一下,再用以下我回答既知識內既方法同鼠鼠熟,而小露寶分籠之後,都係成日避你既話,都可用同一方法,:
http://hk.knowledge.yahoo.com/question/?qid=7008050302859 B13

3.兩隻鼠有打交既動作,但未有出口,可能係實力比較平均,又或未係好了解對方實力,都會想舛又未打咁,最好馬上分開佢地,唔係到你見到佢地出口既時候,就已經太遲了

其實鼠鼠最好分籠,而家兩隻鼠一新一舊,仲唔同品種,打既機會又大大提升,而且如果唔同性別,混種繁殖鼠鼠會有好多問題(同品種都有好多問題),可能會出現畸胎等問題,希望你可考慮一籠一鼠,咁對鼠鼠先係最好既
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因可參考:
http://hk.knowledge.yahoo.com/question/question?qid=7008072500907

4.如之前所講既咁,有第隻鼠一齊,你又咁快就接觸佢,鼠鼠就好易受驚,受驚就會震,分籠後多加留意鼠鼠身體及排泄物有冇異常,一有問題就盡快處理,震仲有可能係生病or有腫瘤
都要留意返有冇幫鼠鼠消暑,怕鼠鼠太熱而有中暑既情況,熱天要留意既事可參考以下我回答既知識:
http://hk.knowledge.yahoo.com/question?qid=7008041000759

5.一咬籠就俾野佢食,只會令鼠鼠以為咬籠就有野食,咁鼠鼠又點會唔咬呢?咬鼠鼠唔好咬籠既方法可參考:
http://hk.knowledge.yahoo.com/question?qid=7008031802551

以上既知識都有講磨牙既問題,而旺角既金魚街買鼠用品,一般都比較平

6.唔係太明係咩聲,係鼻發出既聲?(見你話冇鼻水,所以覺得係鼻既聲)
呼吸有聲既話,就要檢查下會唔會係d木糠好碎,又或周圍好大塵令鼠鼠個鼻唔舒服,係既話最好買d質素好d既木糠,令鼠鼠敏感既話都會好危險,用木糠要買d貴d既木糠,冇咁碎對鼠鼠好d,唔好買有味既木糠,一來加埋鼠鼠既味會好臭,二來好易令鼠鼠敏感
如果有有鼻水,呼吸困難,唔食野唔飲水,仲會好累,甚至會流眼水,則會係感冒,咁就要睇醫生處理,因為話冇鼻水,所以唔多講了,但都要留意多d有冇呢d問題

如果係叫既聲音,就要留意兩個籠會唔會放得較近?雖然兩隻鼠唔同籠,但放得近都會令鼠鼠感到壓力,咁就可以將籠分開d,睇下有冇改善

幫你逐一解答...
1.杏倉係比較少少懶惰，所以成日訓唔洗咁擔心。
2.可能你俾得太多瓜子類嘅糧佢食，佢食得太多會燥d。
3.無咬就應該無野。但最好分籠。
4.震係正常嘅。
5.我嗰幾都係咁，係無辦法，我係唯有罵佢同用牙籤拮佢，佢知驚就唔咬。
6.係唔係好似打 斯eight咁?咁你最好帶佢去see醫生或去d賣倉倉的鋪頭。

2008-07-29 16:52:33 補充：
希望help到you