車輛死火原因

對於一架車黎講，死火係有好多好多原因，大致可分為三種：
(1). 供電系統---打南磨、電池、分電器、火咀線、火咀....................................等等
(2). 供油系統---電油泵、電油隔、燃油噴注系統、輸油系統.............................等等
(3). 機械系統---波箱系統(傳動系統)、引擎系統、皮帶、CAM帶、車架............等等
小弟對汽車只認識皮毛，亦已能列出上述問題，可想而知一架車由過萬件零件組成，每一件都對架車有影響，所以希望大家不要對白車死火一事只集中於供電系統方面。

2008-08-11 00:26:06 補充：
而為何近排經常有白車死火新聞，原因好簡單，就係：因為傳媒對此新聞有興趣，所以每日特別留意白車死火新聞的搜集。
大家記唔記得有一排香港特別多人比狗咬，一日有成幾單甚至十幾單，但點解依家成個月都唔見新聞有人講?報紙又唔多寫?就係因為D傳媒無刻意去搵資料、唔通依家真係無人比狗咬咩。
信失啦再過多排香港D白車又會無事。(因為傳媒已經唔再報導；不過我覺得白車一直都有壞車呢個問題，只係之前D傳媒無報導。)

發電機當然是重要因為救護車上有大量的電器

死火只是一個說法 在路上壞車不一定是死火

死火是指引擎停止運轉 由於早前天氣炎熱所以一些高年份的車輛會變高危

由於車輛上的水喉/cam帶等等..長期係高溫下工作加上天氣炎熱就好大機會斷裂而引致壞車

如果引擎的冷卻不夠都會壞車架

個人覺得救護車可能是發電機出問題，因現在天氣極熱，救護車除了冷氣機，尚有其他器材都需要電力供應，因此最操勞的應是發電機。發電機是由皮帶帶動，所以有很多皮帶斷裂都與發電機有關。

所有救護車均由機电處負責維修同保養, 無論質數,技術同對救護車認知度都有肯定既保証.可惜救護車本身雖然係同一號, 但卻並非全架原裝入口, 而係好似貨車甘, 返到香港改裝, 例如車廂, 泠氣同設備等. 而該等改裝有時亦會因零件供應問題而未能全部統一. (但都運輸署檢驗証明及挌).所以偶有出現個別零件供應不足而需使用代用品. 又或因機電處會定期以投標方式找供商提供部件, 但該等部件有可能未必完全配合該批車，或該部件本身可能在品質上有所差異, (正如我們經常聽到有汽車生產商宣佈因個別零件出現題, 可能對車輛某方構成影响而需要回收及更換該問題零件), 因此出現〝單一問題而多次發生〞之現象. 例如近期經常發生之〝皮帶斷裂〞事件. 所以, 救護車問題主因是否車輛老化需要更換?? 是不可能一概而論. 君不見街上車齡超過10年, 年終無休, 且缺乏保養意識之貨車依然行動自如嗎?