暗戀人的感覺

你同我遭遇都有d似,

老實既女仔都會有咁既憂慮, 不過你要明白, 女仔與奇選擇一個自己認為同自己level差唔多既男仔拍拖, 不如要一個真係可以溝通到既一齊重好,

我無話叫你好高慕遠, 亦唔係要委就自己, 而係係戀愛世界入面, 可以自然而舒服咁溝通係第一條件, 亦係最基本既,

個男仔識你時已知你係做普通文職, 但佢照樣同你傾計, 又傾得幾開心喎, 證明佢都唔抗拒同你做朋友啦,可能重想同你進一步發展呢!

其實你都有佢欣賞既優點架, 我就唔信你無野值得人欣賞囉, 我地識朋友都想搵個好人啦, 係咪? 所以你唔好時時覺得自己配人唔起,

你太著眼自己比佢差既地方, 係你自信唔夠, 試下諗下自己多d優點, 比佢優勝既, 要相信自己得, 例如上班唔遲到, 關心屋企人啦,支持賣旗活動, 會幫朋友, 同事等已經係優點啦, , 咁咪可以balance番囉, 咁你就可以放心同佢交往,

當然, 係認識深左之後, 如果真係覺得有d野點都同佢距離好遠既, 例如英文比佢差, 運動無佢咁勤力既, 你就要進修下, 又或者多d請教佢勒, 比佢知道亦見到你有誠意維持同佢一齊,

你要有戀愛係雙方都同時成長, 而又會係對方身上學到野既心態來拍拖先得, 咁樣無咁易盲目呀. 如果你無咁既心理預備 , 拍拖就會辛苦d勒, 亦好易同對方有誤會.

若果你努力做到以上各點, 但都無辦法一齊, 咁都唔係你既錯, 佢亦都唔會怪你, 至少知道你有付出.

唔好自卑啦.....
愛情係講感覺架嘛.....

Love, do not judge (德蘭修女)
如果係真愛既話
就算佢係愛因斯坦而妳要行乞
佢都會一樣咁愛妳對妳不離不棄
更何況妳都係一位文職
咁有D咩問題!?
其實愛情唔係咁....
妳地唔應該計較好似社會地位呢D咁虛偽既野
妳地應該諗既係大家以後要點做
點去建立大家既感情同生活
佢係大學生,妳有心既第日妳都可以做大學生
唔好俾呢D咁表面既野傷害真正既愛情

你唔好咁自悲啦......如果一個人係鐘意你，就算你無讀過書都會鐘意你。如果係唔鐘意你就算你同佢係門當戶對都唔會鐘意你。
當然你可自我增值呀，學海無盡。
每個都會有優點同缺點，讀得多書既人係咪代表人品好呀？唔識字既人係咪一定壞？答案你同我都知道的。
只要有上進心、愛心、孝心、誠懇接受別人教道之心......這四個心分分鐘有又多大學生都做不到。(當然有大學生做到的)

喜歡係一件好神奇ge事...你喜歡呢類型ge人 但你擁有ge未必係呢類型..

我覺得喜歡係要講感覺...每個人都有機會喜歡對方..

但喜歡又會分好多種...佢同你傾計有講有笑...已經係喜歡你....

多d同佢一齊...傾多d心事..同佢行街...間唔中比小小暗示佢 你冧佢....

或者佢都係冧你呢.....男女朋友好多時都係由朋友發展出黎ge