小狗要絕育?

以前我都好似你咁諗，無啦啦多撻疤，但眼見好多朋友都有生殖器毛病，老嚟先有，救都救唔番，所以我十几隻狗都做咗，無論男女都無生理、心理問題，反而有一個男仔手術前好自閉，依家活躍咗好多！況且男仔手術好easy，復元好快！做完佢都好似無做過咁，連眼瞓都唔覺！當然麻醉药風險係有嘅，但比率好低，除咗呢个係考慮因素外，其他可放心，只係好少嘅手術，傷口都好細只係兩針，亦唔覺得佢吔好痛或好唔舒服。

雖然我都覺得好似好殘忍, 但見到D狗狗老來生病都要捱手術之苦, 甘不如係佢仲細同健康時做絕肓(如果唔打算生肓). 絕育對佢來說是可以減少某些病的風險.

佢唔會自卑, 基本上性格都冇改變過. 重要係同佢搵個好醫生同手術後傷口護理, 甘佢會好快好番. 而且仔仔手術比囡囡簡單, 不用擔心.

其實每位替狗狗絕肓的主人出發點都係好既, 唔需要太自責.

我覺得好殘忍, 我自己就唔忍心,
我有兩仔兩女, 依家3歲, 都未做,

我朋友隻仔都十幾歲啦, 無絕過育,
依家都健壯.

我地都唔會為左怕有乳癌而先切左對胸啦!

所以, 我係唔會幫佢地做的.

當然唔會啦, 絕育除了令牠不能生育外, 還可以幫牠減少患癌嘅機會, 因此絕育其實對牠係好嘅一件事.