電腦小知識一問

首先你要明白，呢個世界無 100% 安全，亦無任何軟件或方法能夠 100% 保護你的。

不過，只要你採取以下措施，就大致上安全了，而且亦唔需要俾錢：

1。使用免費防毒。市面上有些免費的防毒，例如 avast (下載網址：www.avast.com)，能夠幫你阻擋病毒，不過要記住，無任何一套防毒，能夠100% 殺毒的，所以你都唔可以話胡亂下載東西。

2。用防火場。市面有好多選擇的，當中有好多係免費添，不過如果你唔識點用的話，咁最起碼都要開啟 windows xp 內置的 firewall。windows firewall 雖然唔係好勁，但仍然遠比唔用來得安全。

3。更新系統。例如用 windows update。怕麻煩的話，啟用 auto update 功能都可以了。不過如果你用老翻 windows 的話，千歧唔好揀 "windows genium advance" 下載，會好麻煩的。

4。避免使用擁有 administrator 權限的帳戶，平時只使用<受限制的帳戶>。呢個方法厲害之處，就係萬一中了毒，隻毒都唔會入肉，大大減少對你的資料/系統的破壞，清理亦更容易，不過要設定 windows 使用者帳戶，需要少少技巧：

按 <開始> 到 <控制台>，<使用者帳戶>，設立新的帳戶並選擇成<受限制的帳戶>就可以。

以前，平日打機/上網/msn 都只用那個 <受限制的帳戶>，只是在需要安裝軟件/更改系統設定時才使用擁有 administrator 權限的帳戶。

你亦唔需要擔心咁做會影響到自己/家人日常使用電腦，<受限制的帳戶> 仍然能夠做一般工作，包括上網，使用大部份原本已經安裝係電腦上的軟件。

5。避免使用 foxy 一類 p2p 軟件。好多網友都喜歡 foxy，貪佢下載快又乜都有。可惜呢個世界邊有咁便宜的事？foxy 本身傷電腦，亦大大增加中毒機會，少用為妙。

只要做好上面幾項，再加上自己小心，唔好亂 download 野，亂裝軟件，咁就大致上都安全了。

本來想回答你的提問，但是一看到你打的最後一句，決定收回想法囉。

因為，第二題會出現的狀況很多，同埋電腦中毒與不能開機是兩回事囉。