倉鼠pat pat 有咩問題...

✔ 最佳答案

你可以肯定你既鼠係3星期大?睇身形唔似3星期大

A.如果真係3星期大,咁就有機會唔係正常,3星期大既鼠理應未發育晒,熊仔鼠要去到35日左右先開始成熟,在未成熟既情況下,就算天熱令睪丸較外露,但都未會大成咁
睪丸異常既腫起唻,可能係打交or腫瘤,照睇就唔似有外傷,不過比較暗都唔係咁了解得到,可以仔細同鼠鼠檢查一下,其實鼠鼠係獨居動物,實在唔建議將佢地放埋一齊,特別係熊仔鼠,地盆心態比其他品種更強,更易打死打傷

3隻鼠係同一胎既話,同時有腫瘤並唔出奇,有機會係DNA既問題,如果肯定唔同一胎,就較少機會會咁巧合,除非有致癌物質俾鼠鼠食用,有二手煙之類俾鼠鼠接近到

腫瘤就一定要睇醫生處理,鼠醫生資料:
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/

旺角動物診所 - 梁醫生
九龍窩打老道66號A地下
電話 : 2760-1026

睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

B.如果你係想講買左3星期,情況就好唔同了,鼠鼠買返唻時,多數都係剛戒奶冇耐,不過熊仔鼠有時會有d鼠店都好似放得幾耐下咁,已經會明顯既大隻左(熊仔鼠20多日至2個月大,體形會有較大既變化)
鼠鼠成熟之後,睪丸就會明顯見到,熊仔鼠比其他品種既寵物鼠體形大,睪丸都會明顯得多;而天熱既時候,睪丸就會比較外露,最近我屋企既男熊仔鼠都有咁既情況

C.另外,其實鼠鼠最好分籠,如果有唔同性別既鼠一齊,繁殖鼠鼠會有好多問題,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

回答 (3)