完全同意waynehang8既講法=)
依家有好多人唔知係咪受到現今足球世界既明星效應所影響,例如受C朗拿度/朗拿甸奴之類球員,總之就比較難搵一d真係好肯去做防守又或者甘心做純粹後衛既人
好多人都會踢踢下後衛忽然變得好鍾意攻,甚至後來厭棄左自己既位置,但係其實咁未必係正確,份份鐘「本行打唔番,轉行變廢柴」
你點解會唔鍾意做中堅?中堅係好重要+其實幾好踢,責任都幾重大!
先入番正題,你話你唔想做中堅,想睇下仲有咩位可以踢
你射球唔係太好,未必岩打中場前既位置,除非你傳球同盤球上佳,唔係既話,你踢前場唔見得會有前途
你既攔截,頭球同速度都唔差,相信打後防絕無問題,我覺得如果你真係好唔想踢中堅既,你不妨試下打兩閘,因為你既長傳功夫都唔係好差,應該可以為邊線帶黎一定既傳中供應,另外如果你既隊友係一邊進攻果陣,你又可以切入中間入楔,等隊友斬波俾你頂
不過做兩閘球員要有好好既體力,係呢方面你冇提及過,所以我都唔知點講
恕我多講幾句,如果你踢校隊既,最好都係聽下教練俾你既意見,同埋校隊要講合作性同默契,你突然之間話想轉位就轉位,咁其他人點呢?其實我更加讚成waynehang8既見解,我覺得你可以維持現狀,中堅其實係好好踢架,試問有咩人真係可以踢好中堅?前鋒既,你識入波就可以被讚,但中堅就要每次都守得好,保護防線工作要做足,係當中得到既樂趣,不比前鋒低=)
如果你一緊張就變廢,呢d係冇得由外人幫你架,我地可以教你好多方法但緊張呢d係身體既自然反應,我地亂吹都幫你唔到,如果你真係好緊張好緊張既,咁咪試下踢得大膽d,踢番自己平時做既野,唔好諗呢一場係一場大比賽,咁你踢踢下就會自然咁放鬆番架啦!
參考: waynehang8先生
