PBE 改制

PBE 換卷制一樣, 舊 Paper 1 換新 Paper 1, 2 就換 2, 如此類推, 唔駛理佢入咩內容, 就係咁簡單。在大多數考生角度的策略上, Paper 3 『Financial Management』在今年內必須 pass,其次就是要pass Paper 2 『Management Accounting』, 點解呢? 在新制下, 新的 PBE Paper 3 會換上『Auditing and MIS』, 根據各會計試黎睇, Auditing passing rate 絕對唔及得上簡稱 FM 的『Financial Management』, 原因一是大部分考生都唔係做 audit, 或者可能在慣放飛機的 local firm 做 junior; 而學術上的audit, 大部分會討論control audit 範疇, 對未做過 audit 或大公司accountant 級的考生, 是一件唔係好理解的事, 就算係 local firm 的 junior, 都唔係話特別大優勢, 再加上英文差, 答essay 又差, 理解 audit theory 就更差, 一味靠背去考 audit, 危險性係好大! Financial Management』唔同, 顧名思義點管 financial, 即都係計數, 再解釋下答案,除左 financial d 數如咩ARR, NPV, IRR, WACC 等等, 仲有統計學(考生鐘意叫 STAT 的東西), 大家考會考都讀過唔少, 計數題係岩就岩, 係錯就錯, 岩就full mark, 就以 HKIAAT 自己做例, PBE paper 3 的FM,最近幾屆平均合格率都有 50%以上, 甚至 60%, 最衰上個 diet 都仲有近 40% 合格(叫差了)睇番所謂低一個level 的 ATE Paper 8 auditing, 除 05 /06 JUN 好少少有 40%以上, 由 06 DEC 開始就慘不忍睹, 下滑至 20% 甚至上個DIET 17 % 新低, 由此可見, Audit 呢科對好多考生來說, 係一點都唔輕鬆。) 新加科仲有一個危險, 你係冇 past paper 做的, 你只可以搵番所謂低一個 level (我唔認同)的ATE Paper 8 Auditing 來做, 或者直接過去搵ACCA F8 或以前 3.1 的paper 做, 但係咪評分準則及要求一樣, 呢層真係冇人答到你... 既然過到舊制 Paper 3 『Financial Management』, 可以換到新制 『Auditing and MIS』,根據上面推論, 並衡量投資讀書的時間, 心神等, 你冇理由仲諗住去考新制 auditing 掛? 新制的 Paper 2 叫『Management of Finance and Accounting』, 咁即係將原 Paper 2的MA 併合 Paper 3 FM, 只係將 MIS 搬走, 但大部分 core syllabus 保留, 包括econ, stat 等... 咁與其準備而家兩張卷既野, 去考一張卷, 何不呢兩個diet 過埋佢變 pass兩張卷呢? 好多同學仔今次在 ATE Paper 7『Advanced Accounting』考到好成績, 升上 PBE, 想食住個勢先揀個延續的 PBE Paper 1『Financial Reporting』, 呢個策略本來好正確, 因趁仲有剩餘記憶, 花費時間唔多, 就攪掂埋, 想當年我都係咁做。但基於改制出現上面既問題, 在比較著數下, 你要作出取捨, 當然, 你Accounting Standard底子好, 而你時間許可, 報哂 Paper 1,2,3 都無所謂, 反正考試策略之一係用 $610 買多個機會, 但溫習主力, 仍然建議以舊制 Paper 3, 2 為先。 新制的Paper 4, 加入 law of contract 仲加入 Taxation, 而家的『Legal Environment』好大程度係 Company Law, 以及Legal System, Labour Ordinance都唔會出好多 (坦白出呢 part 多就明送分你, 個個做緊野都識少少勞工法例啦),新制加左 IRO(稅務條例), 唔多唔少你都有D 印象, 起碼有D 基本計算方法會問你,同埋幾時過期罰幾多, 我估計TAX 呢題應該係必答題, 即放第 2 題果d, tax admin 呢個level 可考範圍唔大, 呢 20分你有溫書都幾有著數, 起碼唔會以前咁惆悵... 所以新制 Paper 4 展望上係未必係主力殺人, 而殺人果科好可能變左係 Paper 3 Auditing and MIS。