我想問孕婦用的網褲，是否即是紙底褲。

準備用品 - 大人﹕
洗面毛巾，刷牙用品，梳，產婦衛生巾兩包，紙巾(盒裝比較方便)，飲水杯，乳墊(不用太多，10-15片，因為第一胎剛生完未有夠快上奶，所以未必用得著)，外套，內衣，內褲(網褲)兩三件，清洗傷口器皿(我生果時，媽咪用d細個既礦泉水樽，入定d凍滾水，一樽分兩至三次用，去完廁所之後用黎沖洗傷口，分便又簡單，可以唔使特登買個清洗器皿)
出院衫褲一套(有d人驚個頭入風會拎埋帽)<----可於出院前叫老公帶去醫院
有D人會帶埋沙威隆開稀佢沖洗傷口，不過未必一定要，我就一次都冇過
準備用品 - BB﹕
尿片一包，濕紙巾，BB出院衣服(和尚袍及包被)

以上係政府醫院要帶既用品，若果你私家醫院生既就要帶多套睡衣。另外如果入院時唔係著拖鞋，就要帶定一對去醫院，因為係醫院著拖鞋會方便D。
講埋網褲，即係網狀既底褲，會比較通爽，冇咁焗，亦可以令衛生巾黏實D，冇咁易走位。不過本人就冇買到，因為媽咪話用普通既衛生褲都OK(如果著唔落未有之前果D可以買D大小小既，第時生完都用得著)，總知條褲夠彈性可以令衛生巾唔走位既就冇問題喇，唔需要特登買。我惡露期間都係咁著，完全冇問題
祝你生產順利，生個肥肥白白既BB~

網褲是一種網形既底褲,用途係俾你固定塊衛生巾,著左網褲會比較好d,唔洗塊衛生巾成日移位嘛!!

入院所需用品:
浴巾、面巾、牙刷、牙膏、水杯各1.
小膠盆(以作清洗時使用).
產婦衛生巾、 網褲各2包. 乳墊1盒、棉花球1包、口罩.
初生嬰兒尿片1包
BB手套、腳套 .初生嬰兒衣服 (內衣(和尚袍-全棉)、嬰兒袍、包被)
*希望幫到妳^-^

如果私家醫院要帶自己睡衣.

**祝妳快做幸福媽咪,有個健康可愛BB.

網褲不是紙底褲 , 而是一種網形既底褲 。

可以在藥房買到

而佢既好處就係 ::

當你誕下 bb 之後 , 會產生大量既 「惡露」 ,
會弄污底褲 , 所以要經常更換 ..
但係網褲既好處就係不需經常更換 ,,
你只要更換產後既衛生巾就得喇

仲有 , 就係佢好通氣 , 會減少唔舒服既感覺 。