點調數碼相機影夜景?

影夜景同像素無關,200萬像素既舊機一樣影到.但要影得好就要用腳架.
夜晚由於光線暗,你所講既長曝光時間係正常的.手持拍攝的話由於手震關係相就會矇.
用腳架固定相機就可以長時間曝光都冇問題,但按快門一下動作仍有機會郁到相機,想絶對穏定要用相機的兩秒延遲自拍.
由於有腳架不怕曝光時間長,iso要盡可能低去避免引起雜訊,L700有iso 50,就用iso 50吧.
用auto的話其實都冇問題,但iso一定唔好用auto,否則相機會以為你冇腳架而幫你推到好高,就會好多雜訊.場景模式的話當然就係用夜景,夜景比起auto可能會用比較細光圈增強燈光星形效果.
對焦方面,由於L700冇得用手動對焦無限遠,唯有搵啲唔好咁黑既地方來對焦避免對焦失誤.
最後你可能睇到要用腳架已經唔想睇,如果唔怕啲相多雜訊,但求影到,你可以試下設定做iso 1600,用最廣角焦距(即係唔好zoom遠),搵啲嘢借下力就咁手持影,盡量握穏部相機,記得用埋兩秒延遲,相一定會好多雜訊,但矇的機會較小.