✔ 最佳答案
其實幾時都係越低iso就越靚.iso 400其實都高,DC最好有咁低用咁低.iso 800 / 1250目的只係影到,靚唔靚已經係次要考慮.
但係低iso在低光時會面對好多問題,包括手震,快門太慢不能涷結主體,又或者閃光燈唔夠力等問題.
一般全自動相機都預咗你唔會考慮咁多,只係手持相機按快門就算.所以一遇到低光就出晒三招絶招,開盡光圈,推高iso同埋開閃光燈.
對DC仔來講,開盡光圈都冇乜壞既,但係高iso就會引起雜訊,搞到張相好花.開閃燈就會搞到個人光,背景黑.如果光源係燈炟,仲會搞到張相好黃.
要刻服其實會好麻煩,影靜物的話可以自行設定做最低iso,關閉閃光燈(當然現場要有合理照,主體唔可以在陰影中),快門一定會變慢.所以要用腳架固定相機同延遲自拍.影人的話,如果你叫唔到佢地唔好郁等你用慢快門影,咁其實腳架都冇用,只好靠閃光燈,iso一樣設定做最低,但人最好貼牆,等閃光燈可以打到背景,就算有陰影都好過黑晒.
至於高iso既用途就係幫你至低限度影到,有時用唔到腳架影靜物,FX30有光學防震功能,可以試下盡量搵地方借力穏定相機,盡量用低iso,廣角焦距咁影(即係唔好zoom遠),都係手震先慢慢自己加高iso,唔好用auto iso,一用佢肯定幫你推到好高iso.
又或者閃光燈唔夠力閃唔到咁遠,要靠自然光,目標又郁緊又郁緊,咁無可奈何都要加高iso.多雜訊都冇辦法.所以成日要用高iso既人會考慮用數碼單鏡反光機,雜部控制會比DC仔好好多.
至於光圈就係用來控制入光量同埋景深,光圈開大啲快門就可以快啲,相反光圈細快門就要加長.光圈對景深的影響在DC仔來講不大,可以不理.而且FX係全自動機,冇得自己較光圈的相機見唔夠光就會開大光圈,光得滯就會縮細光圈.
唔同光源有唔同白平衡,用錯咗就會偏色,自動白平衡有時都唔係咁準,可以用預設,即係燈泡就揀燈泡,太陽光就揀太陽光,仲可以手動設定,原理係用張白紙話俾相機知甚麼是白色.
http://www.dpreview.com/learn/?/Glossary/Digital_Imaging/White_Balance_01.htm
要睇張相曝光啱唔啱原本可以參考相機個mon,但有時就算較準咗個mon,烈日當空都會睇唔清楚,這時可以參考相機的Histogram.偏左多數代表曝光不足,偏右多數代表曝光過量,但都要視乎畫面本身係暗位多定光位多,要靠小小經驗.
http://www.dpreview.com/learn/?/Glossary/Digital_Imaging/Histogram_01.htm
