麻煩大家幫下我呀,,,我咁樣係咪心理有問題..?

我既立場係好想幫到你...
但無論我講什麼, 都希望你唔好太上心...
首先問一句, 你係真真正正愛你既男朋友? 你分得清楚"喜歡"同"愛"呢兩者嗎?

我相信你一開始呢段感情既時候都唔係好認真, 但慢慢地你就認真落去了...當你一認真起上黎, 你就開始懷疑對方會對你不忠嗎!? 你開始好想佔有佢, 什至想對方把所以時間都分給你, 你要獨佔佢, 什至要控制佢...

但你要記住, 支配一個人係會辛苦的, 被支配的那個都會辛苦的...你不但唔相信佢, 當你越發現對方一些秘密, 你還會越討厭佢...慢慢地, 感情就變成有恨意, 還對佢有殺意...你諗清楚, 你真係想你喜歡既人受傷害嗎? 我相信, 對方見到你咁, 佢都唔會開心, 你亦唔會開心...

其實拍拖係唔可以自私, 亦唔係單方面付出...
拍拖係一個學習既過程, 一個初步既階段...
雙方都要學習點樣同一個人有親密既相處....
雙方都要學習怎樣去相信, 尊重, 包容一個人...
每件事發生都應站在對方既立場去睇, 唔好太自我...
即使係熱戀既階段, 雙方都最好要保有自己些少私人既空間..
就好似自己既銀行戶口號碼唔會講出黎咁樣...
創造一個屬於兩人既空間去互相支持大家,
但不失去自己應有既私人空間, 這樣就不會失去平衡, 心理就會健康...

你那些check你男朋友, testing既行為, 其實係會令自己唔開心, 當佢發現既時候, 你地又會鬧交, 最後雙方都唔會開心...
如果你真係鍾意佢既, 你諗下佢究竟有什麼令你值得去愛, 同佢一齊共苦共患難共喜悅....既然佢係如此一個值得你去愛既人, 咁你就要相信佢, 相信佢係唔會傷害你, 咁樣先會愛得開心, 有一段健健康康既愛情...而且你要拿出你既勇氣, 做一個真正能愛人能信人勇敢既人, 對自己有個交代...

但因為呢個社會實在有太多惡人, 所以提防心亦不可無...
如果你男朋友會對其他女仔講 我愛你, 因為愛唔係話咁易可以講出口, 我諗呢個人唔係太認真既人, 咁你自己就要小心d...

最後, 呢個男仔係你選擇的, 你要諗返點解你會揀左佢, 既然選擇了, 就要對人付上你既責任, 其實生命係好短暫, 所以唔好輕易放棄呢段關係, 好好珍惜對方, 不要做會令自己後悔既事, 過一段健康既愛情...之後要點樣做, 就要睇你自己...

你係女性吧 ... 我係男仔
女仔大概個個都會懷疑吧
我女朋友都會check我手機…電腦
佢都同我講過覺得我同其他女仔玩得好親密
但係最重要既都係大家平心靜氣咁好好溝通
坦白咁對對方講出自己既感受同想法
你想搵佢既罪證係因為你想證明你自己既想法
愛係一種感受感覺，如果你自己覺得係愛佢既就係愛佢
一開始你應該係熱戀 ... 維繁唔到咁耐
你又開始懷疑佢 ... 就會覺得同當初唔同
雖然唔知點解但係果種感覺硬係好似唔同左咁
我認為你係灰色地帶當中
介乎愛同唔愛之間
我自己都係 - 我好清楚

總言之// 你希望繼續呢段情既
就要同男方溝通 .... 要相信佢又唔覺得比佢呃
就要佢拎出證明係愛你
係作出行動之前你要諗清諗楚
三思而後行 諗下佢值唔值得你繼續愛
諗下你自己值唔值得去辛苦多一段時間
諗下你接唔接受到佢同其他女仔
諗下你身邊有冇d更加好既男仔更加愛你
最重要既係
要分清楚「愛」同「鐘意」
我依家都係同我女友講....我鐘意你
但係要我講「我愛你」....我諗未必係果回事
你應該比少少時間自己冷靜d咁諗
同你最好既朋友傾下
聽下唔同既意見

我個人認為:::你男友可能係「愛」你
但肯定有鐘意其他女仔
如果唔係佢會避諱下 .... 你可以睇下佢既表現先決定
祝你好運