鼠鼠烏糟左...

樓上網友講既野唔同意,而且較危險,希望網友唔好介意及可以留意一下:唔好用水同鼠鼠沖涼,唔俾鼠用水沖涼,係怕鼠鼠有感冒,唔係怕鼠鼠浸死,所以多水少水一樣危險
雖然用水唔係100%會感冒,但可避免既當然係唔好咁做啦,好似人食趺左落地既食物都唔一定會肚痛,但都唔應該食咁
我第一次養鼠時,家人教我用水同鼠鼠沖涼,細個咩都唔識,同隻鼠咁沖,之後隻鼠就死左了

A.鼠鼠污糟左,可以用好少既微溫水,用布同鼠鼠抹下,再用沖涼粉同鼠鼠沖涼,但要留意,一星期沖一次,最多沖兩次,沖得多會令鼠鼠抵抗力下降,所以千萬唔好沖得過多,都唔好夜沖涼粉入籠

B.鼠鼠好喜歡乾淨,所以成日都會抓同舔自己去清潔身體,如果冇甩毛甩到見肉or抓損自己,咁係冇問題既

暫時只係話佢抓自己,就未有皮膚病,但皮膚病絕對係預防定先係最好,預防方法:
1)沖涼
一星期同鼠鼠沖一次涼,太熱就一星期沖兩次,記得係要用沖涼粉,唔可以用水
2)勤清潔
多d打掃個籠同鼠鼠既用品,保持乾爽清潔,間中可以用動物專用既消毒劑同鼠鼠既用品消毒
3)食物控制
唔好亂俾野鼠鼠食,人既食物更加係唔適合鼠鼠,一般只係食混合糧及草已經ok,不過如果有病or懷孕,可能就要接受一d其他既食物,例如白麵包,奶粉沖既奶等,視情況而定.
4)檢查鼠糧及乾草
鼠糧及乾草好易會有寄生體,所以俾鼠鼠食之前一定要檢查清楚,開左口一定要密封好,當然買既時候都檢查一次,食之前又再檢查係最好啦,我試過買一包返唻,買既時候有睇,點知一拆問,成包都有d野郁下郁下,但唔細心睇,係未必見到既.
5)避免二手煙
如果鼠鼠食得二手煙多,係會較大機會生皮膚癌
6)避免亂倫or畸形
亂倫等問題都會令鼠鼠較易有皮膚病同皮膚既腫瘤.有d鼠鼠毛色特別,其實已經可能係畸形而毛色特別,揀既時候都要留意一下.
7)有病常消毒
如果發現鼠鼠有咩病係多細菌,特別係肚瀉,血尿等排泄物異常,就要多d用動物專用既消毒劑同鼠鼠既用品消毒多d,嚴重既2,3日要消毒,唔係太嚴重就可以耐少少.呢d排泄物既細菌,好易令鼠鼠既皮膚受到真菌既感染

C.但如果抓得好嚴重,有抓損OR冇左部份毛,冇其他病徵,咁就可能係皮膚病了,皮膚病好少會致命既,唔洗太擔心,但都要留意下有D情況都會甩毛:
1)檢查下鼠鼠排尿有冇問題,膀胱or腎有事都會令鼠鼠有皮膚病,咁就要先根治引起皮膚病既問題先
2)檢查一下甩毛既地方會唔會生粒粒,生瘡or腫瘤都會令鼠鼠該位置甩毛,咁就唔係皮膚病,要處理好瘡or腫瘤先
3)有第隻鼠打佢,打到d毛甩左or有其他外傷

有皮膚病既話,可參考以下我回答既知識:
http://hk.knowledge.yahoo.com/question?qid=7008061602900

唔好聽第一個人講既野
我自己都養過
邊到可以比佢用水沖涼嫁?
想累死人咩

成日r痕可能係關皮膚病事
我以前有一隻都試過
佢r得多仲有一度冇左d毛

你o係大間d寵物店到買支係醫皮膚病既一樽野
我以前就o係mk龍貓樂園買 唔知宜加有冇
個樽身啡啡橙橙 係噴ge
你噴去個棉花度再印下佢
記住捉佢時wear勞工手套

我試過開一盆水比佢地游
幾ok
乾淨哂,d毛順哂

*d water要暖ge
*d water吾巧高過佢
*佢吾識游即刻拎番起]
*游完用毛巾將佢抹乾(吾系ge就會涷親)