✔ 最佳答案
IFA 好唔好, 好睇個人感受, 建議你搵多幾個傾, 親身感受下, 介紹就無啦, 不過都有少少意見同你分享.
你要留意個IFA 入行耐唔耐, 有無証監註冊牌, 唔好搵保險公司個D, 佢地得保險牌, 唔識投資, 哂你時間咋, 重有你就算打算供8 or 10年, 唔須要同佢地提, 如果唔係, 佢地會點你買d有年期既投資計劃, 話用投資計劃迫自己儲錢, 呢d絕對係廢話, 老實講, 人生千變萬化, 今日唔知聽日事, 投資要用閑錢, 點可以迫? 重要你俾計劃費迫害自己, 真係神怪.
另外, 你係自己係基金公司開戶口做月供, 定係用NOMINEE名義做月供呢? 我自己對長期用IFA NOMINEE持有基金, 有少少擔心, 唔知會好似用証券行買股票一樣, 無事就無事, 有事時就好煩啦。不過咁耐都未見過IFA 倒閉, 引至客戶投訴有損失, 唔知係咪香港買基金既人都係近年至多D, 無乜先例可援.