出左學車牌,唔考牌想學車要點做?(20分)急急急!!!!

1) 出左個學車牌可以學車，不過唔可以考試而已，如果您要考埋過路試，咁就要填表報埋果TD82(駕駛考試申請書)，比左510元之後運輸署會馬上出埋個筆試期比您，時間大約一個月之後(係長沙灣運輸署牌照事務署考)，考完唔好走等半小時左右就知道合格否，如果筆試合格運輸署會出埋路試期比您(時間約2個月左右)，之後就學車同等路試到期應考。

2) 如果您過美國考到果美國駕駛執照，要記得以下條件
--- A) 持有美國護照的就可以馬上回香港填TD63A(免試簽發香港正式駕駛執照申請書)
--- B) 考到美國駕駛執照之後要有連續居留係美國6個月或以上先好離開美國境，唔係就唔合資格免試簽發香港駕駛執照(沒美國護照的情況下)
---- C) 等有左美國駕駛執照五年之後就可以免試簽發香港駕駛執照

以上A到C一定要符合其中一個要求加下面要求。

其它要求就係有身份證明文件辦理，美國駕駛執照要有效或過期唔可以過三年，美國駕駛執照係係美國成功通過駕駛考試考回來等等..

以我所知,無須說明一定要考車才學車要事前跟師傅講,我試問學完唔考牌又如何?跟本就無無人理你,我以前考牌,心情唔靚就缺席不考,試過兩次,兩次都有不同師傅,兩個師傅都無意見,只是收返學車錢咋!

無問題丫, 你擰住個學神牌已經可以搵師傅係路上同架真車來練習架喇. 至於你唔打算係香港考牌你最好同教車師傅講明 (因為好教車師傅個價錢係以師傅包埋租車俾你考試成個套餐計, 所以同佢講明你只一個一個鐘純學車 o既價錢, 所以以時鐘來計可能比套餐 d 貴)