貓貓懷孕 - 可否出門看獸醫/剃肚毛

其實都ok易睇得出既, 例如你講既, 冇再發情啦, 同埋, 佢會好明顯地"痴人"多左好多, 至於個肚仔, 你盡量唔好攪佢啦, 剃甩呢d野都唔好做住啦, 陣間嚇親佢就唔好啦, 同埋你唔知會唔會整倒佢入面既小朋友, 其實你唔係諗住唔要既話, 你可以只做呢d野 :

1) 用紙皮箱整生產盒, 正中間既下方, 介個大約一尺x一尺既洞, 比佢出入, 放d碎既毛巾or報紙, 到果日, 佢會自己入去生架啦, 至於肯定係邊日, 真係好難講, 我之前隻貓貓, 我根本唔知佢大肚, 仲要我咁q入左廠佢先黎生, 好彩我同屋係度, 不過佢都番左工, 放工番黎, 無啦啦多左5隻貓b, 過左幾日, 其中一隻唔得, 不過呢d都係有可能發生既, 一胎通常都會死一至兩隻, 咁之後你睇下佢識唔識比奶d貓b飲, 唔識既, 你要去pet shop買貓bb奶粉沖黎人手比佢飲架啦, 當然, 飲貓媽媽既奶係最好架啦, 因為貓媽媽d奶有抗體, 所以越飲得多越好, 貓媽媽肯餵既, 飲到4, 5個月仲好, 貓b第日會健康好多, 好似飲人奶好過飲奶粉一樣, 最後, 想話你知, 有時有d貓媽媽唔係好識生, or唔夠氣力生, 咁生左出黎, 佢唔會識咬開個袋(貓b係有個袋既野包住既, 要咬開左佢地先生存倒), 如果佢生既事候你係度, 貓媽媽又信任你既, 你可以係小小遠既地方睇住, 如果佢唔夠力咬開, 你要人手幫佢同消毒過既交展, 用消毒過既連衫既線博住遲帶大約2串位, 小心cut左遲帶先, 然後你對手當然都要消毒啦, 跟手cut開個袋袋, 然後用消毒過既綿花桿濕d清楚既水, 輕輕幫貓b清潔貓b既鼻仔, 至直貓b叫出聲 ~ 喵 <---- 好尖架把聲, 咁就為止成巧了, 咁你可以用暖水幫佢清潔下, 然後放番去貓媽媽度, 就係咁啦, 唔清楚就email我, 我再留contact比你啦, 我email係 : [email protected]

2008-07-28 00:36:01 補充：
最好唔好將個箱放係咁當眼既地方, 我唔知點解你會將個生b既箱放係個籠入面, 你有困住隻貓既習慣 ? 因為我養既時候, 係由佢係屋自由活動, 咁我就將個箱放係比較唔當眼既地方, 咁佢鍾意既, 覺得有安全感既, 就會入去生, 我當時放係枱底 ! 而且, 你個籠好大架 ? 點解可以放倒個紙皮箱入去既 ??? 定係, 你開住個籠, 再放紙皮箱, 由佢自己入去生呀 ? 如果係, 你可以係個籠度加 d 布, 等佢望唔倒出面, 感覺就會有安全感 ! 當然記得要留番d位比佢通風啦 !

一般貓懷胎60日,而生產大部份係晚上, 佢自己會搵一個安全既地方, 你都可以比個溫暖既地方: (例如, 放d大毛巾咁羅), 佢到生產個日會行來行去, 態度緊張, 如果第一胎佢冇經驗, 咁你要小心d睇住佢,都可以同佢睇醫生, 佢地有經驗知佢大約幾時生, 咁又唔一定照x-ray既. 第一胎好多時都唔會咁順利, 我隻貓生第一胎時因難產, 差d死: (當晚我回家時, 見牠係咁要我睇住佢又有d水流出黎(羊水), 我唸佢應該要生bb, 但我老公話, 佢自己會係晚上生, 叫我不用理牠, 但到早上起身佢都未生, 我唸大獲, 立刻帶佢去睇獸醫, 要立刻開刀, 咁有一隻貓b死咗, 得一隻生全到)如果可以你最好睇住佢生, 因我貓咪到生第二時, 唔識攪d,bb 咁就死咗4隻貓bb,第三胎我都要同佢接生, (第2,3胎都係早上生)

你問得真係出奇,你話大肚婆可唔可以出街睇醫生呢?至於話驚嚇親貓貓,講真只要貓貓見到醫生就自不然會驚起上嚟,所以如果佢無乜嘢o既話,最好就係等佢生左之後至算.

最好同佢去睇左獸醫先
你帶佢出去個時小心D都應該冇咩問題
你預備左個位比佢佢未必係個道生架
佢會搵一個佢覺得最安全既地方生
所以最好全屋都打掃乾淨