過期支票一問(緊急!!!!!)

你好難証明佢故意開張過期支票俾你, 佢大可以話唔小心寫錯咗. 警方見係私人錢債案, 又無証據話佢行騙, 係唔會受理嘅. 你要循民事告佢.
在民事訴訟中, "彈票" 係最容易追討嘅錢債案. 簡單講, 如果佢唔承認爭你錢, 使乜開支票俾你?! 張單彈咗, 就証明佢欠債不還. 贏梗嘅.
你的債項銀碼如果少過$50,000, 你可做誓章入禀(即係填份Form)小額錢債審裁處去追收. 費用約$200或以下. 小額錢債審裁處收到你張稟後, 會發出傳票要佢出庭. 如對方收到傳票而不出席, 法庭可在有足夠理據下, 在他決席下判你勝.如對方出席, 咁就各憑自已的理據向個官陳述, 睇吓個官點判. 而彈票案, 法庭99.5%會判你勝.
當法庭判你勝, 你就可憑法庭的命令以合法行動追債, 包括釘佢屋契, 強制要佢賣樓還債, 或向法院申請個"扣押債務人財產令狀 ( Writ of Fieri Facias)", 任命執達吏 (bailiff) 去沒收佢擁有汽車 , 傢俬 , 辦公室設備 , 電腦或藝術品等個人資產或動產 , 並將之出售以償還欠款, 甚至申請佢破產.
你的債項銀碼如果多過$50,000, 你就要做誓章入禀區域法庭. 貴d (約千幾蚊). 其他過程一樣.

所謂支票過期, 是指支票上日期至存入銀行那天超過半年, 若支票並未過期, 銀行退票會注明理由, 但一般會以『與出票人聯絡』的字眼, 若閣下有憑據證明發票人欠閣下款項, 再加上發票人之退票, 而金額是在五萬元或以下, 閣下大可到小額錢債審裁處申索, 費用不需很多。