監獄既囚犯係咪集體沖涼架?

無錯! 監獄嘅囚犯係集體沖涼嘅. 通常在收押所 (即係未定有罪嘅) 犯人因唔使工作, 而且d倉細, 無沖涼房, 所以會依據佢哋邊個"休閒區" (例如飯堂 / 1飯堂2) 去定時分批到大沖涼房沖涼. 成三四十人一齊沖嘅! 沖涼時重限時間. 有時唔好彩, 個倉輪到早上沖, 咁就10點幾沖完涼要捱到第二日10點幾先有得再沖, 流足成日汗去瞓覺, 幾惡頂!
在監獄(服刑犯人)就好d. 因為日頭要工作, 而且係瞓大倉, 有沖涼房, 所以通常係起身後同夜晚番倉時喺個倉嘅沖涼房沖涼.
但無論收押所定監獄嘅沖涼房, 因保安理由都係冇遮冇掩嘅. 職員係可以一眼睇哂, 就算厠所都只係遮一遮下部, 仍然會見到腰以上. 廢事佢見唔到你, 唔知你搞d乜.
監獄乜都有. 唯一係無女人同私隱.