為何日本航天未能有載人太空船(要詳細解答)

小朋友，日本仔係電器比中國造得好姐，唔代表佢樣樣野都咁勁。雖然一般人都認為日本既火箭技術先進，但佢既表現唔好，支火箭成日爆，幾先進既技術都無用。中國既航天科技係世界繼美、俄、歐之後最先進既太空國家，有好多技術都係世界最先進水平。例如中國既火箭可以係緊急既情況下停機，亦可以係高空多次停機開機，呢啲唔係個個國家都得。

其實中國既火箭技術從無到有，以中國一個咁既窮國黎講，發展到依家係一個算幾快既過程，主要係因為中國有兩個勁到爆燈既科學家回國服務，佢地係錢學森同埋錢偉長博士。兩人都係世界級頂尖名校 - 加州理工學院既火箭學博士，而錢學森甚至去過德國請教火箭先驅馮．布勞恩博士。佢地番到中國令我國立刻擁有世界最先進既火箭技術，所以中國之後既發展先至可以咁快。

但令中國既太空科技領先日本既真正原因係中國既系統集成技術比日本好。中國射火箭最緊要安全穩陣，用既技術唔係最新，但肯定最成熟，所以要發展咩都順利啲，唔似日本係都要用最尖端但唔成熟既技術，所以日本既火箭安全系數唔夠高。而射太空人上太空最緊要係系統可靠，你連火箭都射得唔好點搞﹖不幸地，日本繼續都係好高務遠，載人航天講來講去都係嗰個得個講字既曙光號穿梭機。你連一次過既載人飛船都唔識做，你點做穿梭機﹖唔肯腳踏實地係日本太空事業既致命傷。

另外，日本雖然有太空人，但佢地上太空全靠美國既穿梭機。日本咩都依賴美國，而美國又肯比佢倚賴，咁係完全無實際需要既情況下日本仔自然無辦的起心肝去發展載人航天。不過睇黎日本想追都唔容易，因為載人航天係非常複雜既工程，無十年八載都唔會有實質性成果，就算依家佢肯造，佢起碼要到2020年先至有啲野睇。