唔同的倉鼠~會唔會打架??

好大機會會打,仲好易會打死
倉鼠係獨居動物,係唔慣同第隻鼠一齊住既,雖然好多時年幼時地盆心態唔係咁重,但慢慢長大就會更大機會打交
而你話熊仔鼠同一線鼠,更加係一大一細,唔同品種,而當中既熊仔鼠地盆心態仲係最重既,有時未戒奶已經會打生打死
鼠鼠唔係奇怪,只係天生係咁獨居,打交只因天性既關係,所以最好都係尊重鼠鼠既天性,俾鼠鼠獨居,咁對鼠鼠都會好好多

其實鼠鼠最好分籠,如果唔同性別,繁殖鼠鼠會有好多問題,唔同品種就算繁殖到都好易有畸胎,我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)就算唔打傷打死,都會感到壓力,壓力會誘發甩毛肚瀉等疾病
6)一籠唔止一鼠,仲會較惡,特別易咬人同比較難同主人熟
7)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

會,因為唔同種類

倉鼠其實係只適合獨居.....就算同親生父母 / 兄弟姐妹住理一齊, 都會成日打架......玩玩O下都會無啦啦打起上O黎....

倉鼠是一種奇怪的小動物 , 動不動竟打架 , 我試過打四種不同種的倉鼠一起養在一個籠入 , 牠們不分是誰一樣照打 , 後來把很喜歡那隻放在其他地方, 餘下那三集一樣照打 , 因為有兩集給打死了, 所以依家我只養一集一個籠