BB 要扭好耐先瞓覺

我都有一模一樣既經歷呀，佢而家都係夜晚先係咁扭，我果個係不論任何時間，總知訓覺之前平均都要扭半個鐘先肯訓
跟住我發覺如果我係抱住/揹住佢行緊既話，佢就唔會扭喇
你睇下會唔會係因為日頭抱得佢多，習慣左咁訓先係咁啦
不過我聽媽咪講，有d小朋友係會咁既。所以我果時都冇點理佢，到過左差唔多兩三個月，一歲前都冇再咁扭計訓覺喇。
亦有機會係佢燥熱，你可以試下煲開奶茶比佢飲，煲果時可以加d零羊角絲/象牙絲 (平貴之分)，等佢清熱解毒。就算佢唔係燥熱，而家天氣咁熱都岩飲架
仲有一個方法，都幾可行，就係日頭唔好比佢訓咁多，同佢玩多d，玩到佢攰，夜晚就唔會點扭，好快就訓著架喇
比多d耐性啦，希望bb可以快d自己乖乖訓覺~
加油啊，媽媽!

2008-07-25 10:59:55 補充：
第一段打錯字
佢而家都係夜晚先係咁扭 <---係以前，唔係而家

左扭右扭, 大叫, 要半個至一個鐘先瞓到, 重要一路氹住先得,你讓bb喊,但你要在下旁邊看待,讓bb知道如何扭計也不可抱,不要習慣bb有這樣的壞習慣
2.在瞓之前與bb洗澡,讓bb知道/習慣瞓之前有一個轉變,可使bb在玩耍的心情轉變得平靜
3.洗澡後可以給bb飲奶,飲奶的時候要關燈
4.在日間,不要讓bb瞓太多

我個B女10個月都係咁架﹐就算明明好眼瞓都唔肯自己乖乖地瞓﹐一定要人抱同氹仲要喊一陣先肯瞓﹐我看書話咁係正常架﹐因為BB覺得瞓左就見唔到DADDY MUMMY 同無得玩所以唔想瞓。可以比佢聽下音樂或者搖下佢﹐等佢快D瞓著。仲有瞓之前一個鐘唔好比佢玩得太刺激。希望大個D唔會咁啦!

你試下用johnson baby隻甜睡沐浴露,我個仔都有用~
但係唔好成日用,因為佢習慣左d味就無用!
但你初初用的幾次,真係超有用!

會唔會係bb佢唔眼訓,又可能佢唔想訓,你逼佢訓呢 ? 只要關燈,令防間黑暗的,咁就教易令bb訓喇