Question concerning macro

影蜜蜂對眼需要極端放大率.Tamron 180mm既1:1肯定唔夠.
其實選擇只有一個,就係用七千幾蚊買Canon支5:1 MP-E 65mm f2.8, 再買埋佢支MT-24EX雙頭微距閃燈(好似係五千幾蚊)
要增加鏡頭既放大率可以加中空的延伸管或者加裝在鏡頭前端的近攝瀘鏡(其實只係一塊比較優質的放大鏡),或者倒接鏡頭.或者加增距鏡.
延伸管其實只對短焦距鏡頭有較明顯作用,可以睇下以下公式
延伸管長度 / 焦距 = 增加了的放大率
以你支180mm微距鏡計,成套Kenko延伸管加晒落去都做唔到2:1,絶對未到可以影蜜蜂對眼既程度.但套嘢就差不多成千銀,俾我就唔加算數
近攝瀘鏡係好方便,不過質素下降得頗驚人,你唔會接受得到,我都有一套放咗喺度封塵.
鏡頭倒接冇得控制光圈,只可以用最大光圈影,景深淺到冇辦法用
增距鏡又係會明顯降低光學質素,而且加兩倍支鏡就變咗360mm,對焦同手持都好難搞.
不過就算你肯俾錢買支5:1鏡,其實用起來係好困難的,支鏡最細放大率係1:1,即係Tamron 180mm既最大放大率.相信你應該試過手持1:1對焦會有幾難,5:1可想而知要流幾多汗先搞得掂.而且支鏡係65mm,5:1時差不多貼實主體,這亦是為甚麼一定要加微距閃的原因.咁近距離要唔嚇走隻蜜蜂係需要好高技巧加運氣的.不過刻服到滿足感會好大,其實1:1可以影既昆蟲品種唔係咁多,來來去去都係蝴蝶,蜻蜓等比較大的品種,5:1呢支就真係可以影下啲較細既品種.
如果你唔介意睇英文,可以睇下以下網頁,有好詳盡介紹
http://www.beautifulbugs.com/beautifulbugs/howto.htm

2008-07-28 15:34:04 補充：
有冇可能手持其實要視乎個人技術.1:1都咁難,5:1似乎真係冇乜可能.
但係你睇翻我登出來嗰個英文網頁就會發覺嗰個作者就係用呢支鏡頭,而且全部作品都係手持.
DCview都有人用呢支鏡頭,佢亦都好肯定講佢冇用腳架.
http://www.dcview.com.tw/forums/msgexcel.asp?id=A14&page=1&msgid=160864&sort=1
呢支鏡其實我都有幸玩過,手持影5:1係難,但並非不可能的.因為影到5:1咁細範圍,周圍景物實際上上落差唔會好大,一,二mm景深其實夠用.

2008-07-28 15:34:29 補充：
有啲嘢未試過只憑想當然去估自然難免有偏差,就好似未影過微距既人居然叫人用支100mm微距鏡離三呎遠影蝴蝶大特寫一樣.
一張超大特寫的珍貴之處在於佢難得.否則用中央對焦再構圖,仲有時間落晒腳架先影,個個人都影到既相就冇乜價值.
支鏡最細光圈只有f16,冇f32.用親呢支鏡差不多肯定係用呢個光圈,f16好似唔夠細,但在5:1時其實實際光圈係九十幾.唔用閃燈跟本冇可能影得到.
Tamron 180mm f3.5 macro呢支鏡我都有,之前仲俾人話用呢支鏡影蝴蝶冇可能,轉過頭又話支鏡評價OK.

2008-07-28 15:35:07 補充：
真係影過蟲既就會知,用到十幾二十光圈,除非下下正光大太陽照到隻蟲,否則iso 800快門都唔夠快.尤其支鏡焦距咁長,唔配備閃燈所有樹陰下既昆蟲都唔駛影,但偏偏嗰啲地方又最多喎,仲有十幾二十光圈係我講完啲人先跟住講,之前就話自已鐘意用f4-f5.6做淺景深.

2008-07-28 15:35:12 補充：
講翻閃燈,如果唔係要求咁高,呢支鏡其實唔一定要配微距閃,就咁用機頂外閃都得.甚至乎用內閃都得,因為支鏡夠長焦距,可以在遠處用閃燈,你去鳯園睇下就會發覺好多人其實都唔會用微距閃的.
而且支鏡個設計其實有小小問題,佢前端可以轉,方便在用遮光罩仍然可以轉動偏光鏡,而微距閃就掛喺個環度,會轉來轉去,環形閃都仲可以夾硬來,雙頭閃就會移位做唔到要做既效果,問過Tamron佢都唔識答我.

2008-07-29 06:52:56 補充：
你都小見喎,通常你知自己理虧就會恃住自己個戶口夠爛,就咁唔出聲博大霧.
Macro人人都影到梗係好,不過影唔到既時候就應該研究下點解影唔到,而唔係話俾人聽咁難影影來都無謂.
我都唔明次次講親器材你都一定要話買貴嘢既人唔識用,用平嘢就100%用得好.
但係你啲回答轉個頭又可以反轉180度,只要人地問入門機,你就會話要咁多功能冇用,只要夠平就得.唔通咁就叫做100%發揮?
同埋有啲題材你要影就需要咁既器材,我只係就住發問者意見回答,唔知又有邊度得罪你.

2008-07-29 06:53:02 補充：
唔該你睇清楚問題,人地係問影蜜蜂對眼,唔係影成隻蟲.
呢啲長焦距微距鏡冇問題喎,有我都唔會買,話有問題嗰個係你,因為你慣咗在唔同問題可以答完全相反既答案.
負評啲咁幼稚既行為我唔做既,不過你想睇下自己之前講乜可以去下面條link.
甚麼200mm汗顏,正常光圈f4-5.6你可能求其答唔記得咗喇.
http://hk.knowledge.yahoo.com/question/question?qid=7008052702901

Thank you very much for your comment, I found it very helpful.

你可能有少少高估左自己同部機勒.

睇科學書有好多昆蟲既相,
佢地既影法, 係先將昆蟲用液化氮雪硬然後至影架.

樓上既架撐唔係唔得, 不過唔好唔記得之後咁極端既放大率,
邊有可能手持?

而且仲有景深問題,
微距好多時要收到F/16 - F/32至可能得出合理既景深,
到時獨腳龍都唔夠玩, 要開腳架,
試問隻蟲又點會等你丫.

要影昆蟲MARCO, 我估計你唔好亂買野,
只用返你支TAMRON就OK.
支TAMRON 評價都OK,
http://www.ephotozine.com/article/Tamron-SP-AF-180mm-f35-Di-LD-IF-Macro-11

要影昆蟲, 都差唔多架勒.

閃燈方面, 睇你係咪想深入去玩勒,
依家天氣唔使一定用閃光燈,
尤其係你自己部機可以較到ISO400甚至ISO800時,
真係冇乜幾可一定要用閃燈.

要用閃光燈, 就一定買環形 / 二至三頭既專用微距閃光燈.
果幾千蚊, 老實講除左令你睇落PRO O的之外,
用途真係有限.



2008-07-29 00:54:49 補充：
少見喎, 仲以為你會剷走偏文算鬼數.

MARCO 相話難唔難, 人人都影到有咩唔好?
掟幾萬蚊買O的架撐返黎,
影到只係因為你部機影到唔係你O的技術,

就手上有既器材, 影到100%既效果, 呢O的叫技術,
係咁買貴野, 影到70%既效果, 呢O的叫燒錢晒命.

2008-07-29 00:57:58 補充：
要影成隻昆蟲, 其實基本配備已經足夠,
加埋依家DSLR既CROP FACTOR,
呢O的近200mm既鏡頭令你唔使行咁近, 又可以採多o的自然光,
我唔認為有乜唔妥.

2008-07-29 00:58:17 補充：
"Tamron 180mm f3.5 macro呢支鏡我都有,之前仲俾人話用呢支鏡影蝴蝶冇可能,轉過頭又話支鏡評價OK"

邊個咁講? post條link出黎大家負評佢丫?