蒼鼠肚痾，救命

死左既鼠係咪同而家既鼠一齊住?就算係唔同籠,因為肚瀉易傳染細菌,有鼠死左,都一定要澈底消毒鼠籠及用品,可以用動物專用消毒劑or牙膏去洗
如果兩隻鼠係一齊住,倉鼠係獨居動物,一齊住既話好易會感到壓力,從而誘發肚瀉,甩毛,濕尾症等疾病,所以鼠鼠最好一籠一鼠

可以用十分少既微暖水,用布同鼠鼠抹下尾部,再用沖涼粉沖涼,如果聽日or之後都攪到好污糟既話,都可以用布抹,但沖涼粉就最好等3,4日之後先好再用,沖太多唔係咁好

肚瀉既要留意以下幾點:
1)買d止瀉藥加入水度俾佢飲(Gimborn 止瀉藥OR SUPRA-CELL N700止瀉素幾好)
2)有第隻鼠一齊就要分籠,因為會傳染既,亦有機會係同第隻鼠同住,感到壓力而肚瀉,而且俾藥都要分籠先俾到
3)如同一籠有第隻鼠,亦需留意冇肚瀉既鼠鼠身體及排泄物有冇異常,仲要將佢地既用品完全分開,唔好一齊洗,都唔好掂完一隻又掂第隻鼠
4)接觸鼠鼠之前之後都洗乾淨手,自己有唔舒服既就唔好接觸or靠近鼠鼠咁多
5)保持個籠衛生
6)鼠鼠既用品同籠都要用牙膏or動物專用既消毒劑消毒
7)仔細檢查鼠鼠既食物會唔會有變壞or生虫之類既問題,有問題既話可先俾白米(生)俾鼠鼠食,再盡快買返鼠糧
8)唔好食零食之類,蔬果更加唔可以食啦.食鼠主糧,都可以俾d白麵包or麥片佢食.(好少量),其他人既食物當然都係唔好俾鼠鼠食啦,鼠鼠正常時都唔可以,好返都要戒口一段時間
9)如果呢兩日有轉過糧,最好可以食返舊既糧先
10)檢查水樽出水有冇問題,肚瀉飲多d水係好緊要,如果鼠鼠冇咩力去飲,就要餵鼠鼠飲水,同時將水樽放近鼠鼠
11)鼠鼠有唔舒服係會特別怕人,都唔好打擾佢咁多
12)密切留意下佢既排泄物變化,留意鼠鼠尾部會唔會成日濕晒,如果濕既話整乾淨又會唔會再瀉返,長期濕就可能係好嚴重既濕尾症.而濕尾症就多數好難會好得返,好快會死.最好就盡快要睇醫生
13)肚瀉不止(2,3日左右)or瀉得嚴重,就最好去睇醫生啦.
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/
基本診金$290,藥及手術另計

平d可以睇愛護動物協會,但做嚴重既話,都可能會叫你睇大圍,因為設備不足.加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html
診金百幾,藥及手術另計

你要即刻即刻帶佢去睇醫生就得啦!!

你要即刻即刻帶佢去睇醫生就得啦!!!

你要即刻即刻帶佢去睇醫生就得啦!!!咩都唔好理!

本人並不是醫生,但常常飼養小動物,想必你心情定壞透了.但很有可能是傳染病. 現在不適合洗澡,因小動物体温可能下降而病情更嚴重.

試吓以下Web page....

http://hk.88db.com/hk/Knowledge/Knowledge_Detail.page?kid=16337&MediaType=I
登入後希望有回答啦.


希望你的小動物快快好起來.
Ivy