去日本北海道,麻煩大家俾 d 意見，因我是新手! Thanks!

你4日都住係札幌, 去得遠會好趕
一日行札幌 & 薄野
一日行小樽(搭jr)
一日去旭山動物園 + 旭川市行下街(搭jr),
有時間可以去場外市場(你check下你間酒店會唔會免費巴士去, 我上次住果間就有) & outlet(搭jr)
基本上加埋頭尾兩日搭飛機就差唔多啦~~
係北海道d野好好食, 好似食蟹咁, 我就食左set lunch, 4千yen左右, 真係好好食, 另外食燒肉都好抵, 好似食和牛同埋海鮮拼盆咁都係@一千yen(已經好多款, 係東京就少好多啦), 另外就一定要食帶子, 總之乜試下啦, d野食會平過係東京同埋好食好多呀~~

以下是綱友 kyjennyhk的心得

行程方面：

首先係札幌，其實3日都足夠，因為地方唔算太大，有旅遊景點，不過我覺得比較多係行街購物既商店；而小樽2日都足夠，主要都係小樽運河及兩旁既景點，不過個人建議一定要去兩次，分別係日頭同埋黃昏，兩段唔同時響運河既景色都超靚，絕對不能錯過；登別主要係溫泉同埋熊木場，1日都已經足夠。所以我建議你3日札幌加2日小樽加1日登別。



交通方面：

你應該係講Hokkaido Rail Pass：

http://www2.jrhokkaido.co.jp/global/chinese/railpass/index.html

買唔買要視乎你既使用率，以你既行程，只係適用於往來札幌～小樽～登別～機場；JRPass可以去到當地先買，買車票既地方會有服務處，可以查詢同埋買車票。JRPass係坐火車，唔可以坐地下鐵，兩樣你分開既，不過就可以響札幌JR站轉乘地下鐵，而登別係可以坐JR或其他巴士前往去新千歲機場。由於札幌～小樽係有WelcomePass，http://www2.jrhokkaido.co.jp/global/chinese/railpass/welcome.html

我建議你配合番自己既行程，計一下來回既車費。



酒店方面：

我自己住過Keio Plaza既Semi-double，房間不算太大，不過就整整齊齊，我個人覺得ok，價錢亦唔貴，交通都方便，響JR站步行往酒店只需5分鐘左右，你可以參考網頁既相片：

http://www.keioplaza-sapporo.co.jp/english/room/guestroom.html

JR Tower Hotel同Century Royal Hotel都未住過，前者超方便，因為響正JR Tower上面，即最近JR站，不過好貴；後者就響正Keio Plaza同 JR Tower中間，價錢亦屬中等。



我亦住過小樽宏樂園，上網book既，去到先付款，去宏樂園係無shuttlebus，要自己響小樽JR站搭巴士，JR小樽站對開中央巴士站打斜排既巴士”2號”乘”朝里川溫泉行”至“宏樂園前”，車程約30分鐘因為行車班次比較疏落，要預時間。個人超鐘意響小樽既「小樽朝里川温泉宏樂園」，因為真係好靚，私人露天風呂，仲要係日式塌塌米房間，間房好大，溫泉好正，仲要係冬天去，望住出面雪景，如果有落雪既話，d雪會落入溫泉之中。



--------------------------------------------------

我既分享：

我都係2個人去北海道，5天自由行，我本來就打算住1-2晚小樽宏樂園，其餘頭尾時間就住札幌京王，同樣都係要等酒店覆有無位，最終宏樂園既私人露天風呂客房無晒，所以我全部5日4夜都住晒札幌京王，唔想轉去其他自己無興趣既酒店。



不過因為宏樂園有日歸，於是我就自己send email去book，同樣都可以有個私人露天風呂客房，可以浸溫泉，好正，好舒服，分別只係得3小時 (11:00am-2:00pm)，不過平好多。



我既行程係咁：

Day 1 先遊札幌，如大通公園、電視塔、狸小路等

Day 2 坐JR往小樽遊覽，由於我預一日時間，可以睇日夜景 (即日來回)

Day 3 坐JR往登別遊覽 (即日來回) > 夜晚可以行Sapporo Factory同埋食飯等等

Day 4 返小樽宏樂園浸溫泉 > 夜晚可以行Chocolate Factory等等

Day 5 遊覽札幌餘下景點，買手信等

你4晚住哂札幌，可以玩ge 地方都好少...
suggest 你去呢幾個地方

札幌
小樽
富良野
美瑛

有咩玩&交通工具你睇旅遊書啦