NIKON COOLPIX P1點用??

紅眼主要係因為在暗地用閃光燈,由於人的瞳孔在黑暗地方會放大,而人的視網膜佈滿紅色血管,閃燈打在視網膜的光經瞳孔反射至鏡頭就會引起紅眼現象
P1有一個防紅眼閃燈功能,原理係主閃光發射之前先閃一閃用強光令人的瞳孔收細減小紅眼現象.操作方法是按機背的方向盤上的雷電符號,按之後會有個menu彈出,揀防紅眼嗰個就得,可能係字又可能係閃電加隻眼之類的符號.
不過呢類機仔由於閃燈太近鏡頭,閃燈火力又唔係好夠,有時防紅眼功能只可以改善小小,也是無可奈可的.真係好礙眼的話唯有事後用電腦抹走個紅點.
想問部機點用可以試下問Nikon客戶服務部.不過肯定會麻煩過直接睇說明書.你問啲三兩句就答到你既問題都仲有可能,成部機叫人教你點用就行唔通.如果個個咁問法,Nikon有十個客戶服務部都唔掂.
至於去買機既地方問就諗都唔好諗,未俾錢都會勉為其難幫你試下(其實佢地都未必識).買咗咁耐先去阻住佢做生意跟本冇可能會幫你.
睇說明書已經係了解部機既最直接方法,唔懶得架.

2008-07-29 16:56:24 補充：
我沒有辦法在網上找到P1的說明書,你可以講講你嗰幾個符號是甚麼樣子的嗎?通常防紅眼閃燈都有隻眼既符號.