申請商業登記一問

首先你要諗左個公司名啦! 無限公司基本上乜名都用得, 就算同第二間公司撞名都冇問題, 但係有限公司就唔同, 一定要獨一無二!
另外你要去印章公司, 分別整兩個原子印, 你同d人講開公司, 佢會知你整邊兩個, 一個稱圓印仔, 另一個長方型, 用黎簽文件或者開支票時用的~ 兩個夾埋都好平, 200內應該ok~
然後拎埋商業登記費用(我唔知而家幾錢), 同埋呢兩個印&你的身分証可直接剷上去稅局搞手續, 手續好快,我以前10幾分鐘搞掂, 快到自己都唔信就走得!
至於報稅, 無限公司同有限唔同, 唔需要搵會計師核數, 你自己整就ok~ 只係將收入減支出(有單據)然後將個餘額, 可以合拼埋喺你個個人報稅表上填就ok架啦~

獨資經營的無限公司,最簡單就係一定要到稅局的申請商業登記,不過要留意有些業務是有領取有關的牌照。

IRBR 194 索 取 商 業 登 記 申 請 表 格
http://www.ird.gov.hk/chi/pdf/irbr194.pdf

報稅:若營業額每年少於50萬,就係只需在報稅表上填上工程公司的業務名稱、總入息(包括營業額及其他)、營業額、毛利/(虧損)、帳目所示的純利/(虧損)、應評稅利潤/(經調整虧損)等有關公司的財務數據。
但50萬或以上就要提交帳目表(http://www.ird.gov.hk/chi/faq/ctr.htm)。
中小企業「營商友導」計劃
http://www.success.tid.gov.hk/tc_chi/con_ser/sme_men_pro/sme_men_pro.html
http://www.ird.gov.hk/chi/paf/for.htm#br

如果公司的規模不是太大, 以及業務的風險太是太高, 的確可以申請無限公司, 如果是無限公司的話, 只需到稅局填表拿取商業登記就可以了。至於報稅, 會比較複雜, 如果不懂的話, 最好找會計師樓代為辦理, 但生意上所有單據必須妥善保存。

如有問題, 可 e-mail 我 [email protected]