✔ 最佳答案
我個人經驗係,有一次,我因為魚缸的水混濁,所以我將全缸的水換哂新水,結果死哂!
1.所以最有可能係你換水換得太多!請記住,每次換水換1/3至1/4,換得太多,魚會適應唔到新水,結果就會死。
就算魚魚互相打交,都唔會一下子全部死哂的。
2.你換水的時候沒有養水,就咁俾水喉水,又沒有加除氯氣。魚魚因為吸入過量氯氣,所以會全部死亡!養水即係要留定一桶水過夜(最少過一晚夜),第二日先換水,就算養左水都要加除氯氣。除氯劑普通金魚舖都有得賣。
3.可能你餵左有問題的魚糧。我都試過有一次,有些魚糧跌左響枱面,我諗住唔好浪費,執番俾佢地食,結果可能因為污糟,所以又係全部響半小時內死哂。
4.可能你魚缸的水污染左,D魚患左病,結果一隻傳染一隻,都會有機會逐一死亡。
而家,你應該回憶一下自己做左D咩事,令到你的魚死哂,下次再養要小心D,如果唔係,又整死D魚魚啦!
你冇詳細講清楚個情形,其實好難同你分析呢!不過我覺得好大機會係第一第二個原因囉!