囡囡有口臭應該煲些甚麼

因為奶粉比較熱氣，你可以一星期煲兩次開奶茶比佢飲
開奶茶有消滯作用，另外你亦可以加d零羊角絲/象牙絲 (平貴之分) 一齊煲，有清熱解毒，去脷苔之用。一般中藥房都會有得買，開奶茶大部份都會一包包pack好晒架喇，如果要加零羊角絲/象牙絲 就要特別同佢地講
仲有可以試下同佢每次飲奶後清潔下口腔，用暖水濕塊紗巾，再包住手指，伸入bb口到抹下d牙、牙肉同脷。再大多幾個月你可以用bb用既牙刷幫佢清潔都得
最後要比多d水同生果佢食，等佢保持腸胃暢通，口臭就會慢慢改善
祝小朋友健康成長~

您可以用乾淨的布巾, 用熟水浸一浸, 幫BB抹下D牙肉及脷仔一清潔一下口腔.
我奶奶話奶粉是比較熱氣的, 您可以用生熟意米煲片糖, 煲30分鐘, 隔渣後, 比D水個BB飲, 可以清熱去濕的, 歲幾可以飲的, 不用担心, 夏天飲更加好.