摩打以三相供電.每條出100A,咁條N線係幾多A?同點解?

摩打以三相供電，每條出100A，咁條N線係幾多A?同點解?
你條問題有問題，應該係三相摩打每相負載100A，咁條N線係幾多A，答案係？
三相摩打有兩種接法，一種係星型接法，另一種係三角型接法，通常星型接法中線不接 N，所以條 N 線係完全冇電流，係 0A，至於三角型接法根本都冇辦法接 N，點會有電流呢？
係另一個角度來睇你既問題，發電機以三相供電，每相負載100A，咁條N線係幾多A呢？咁就要睇你既負載係單相或三相，如果係三相負載就如上述，N 線係完全冇電流，係 0A，如果以單相負載就要計數，因爲每一相負載既功率因數唔同，雖然電流相等100A，N 線都係會有多少電流既。
除佐功率因數，異相電流，渦流，磁滯電流仲有諧波電流等等，唔係咁簡單既。
如要更多既資料 [email protected]

2008-07-24 20:41:46 補充：
磁滯電流 = 遲滯電流

2008-07-25 20:41:56 補充：
比我知道究竟係三相摩打電動機或者係發電機以三相供電，如果係三相摩打，常星型接法只接 紅，黃，藍，相線，中線不接 N，所以條 N 線係完全冇電流，係 0A，如果係三相發電機以三組單相各自供電，單相負載就要計數，因爲每一相負載既功率因數唔同，異相電流，渦流，遲滯電流，諧波電流等等，雖然電流相等100A，N 線都係會有電流既。

以前讀書讀過，三相供電摩打，青氣(N)係無電到既，即係0A。

三條火線相位各差120度。
第一條火線如果係0度：100AXsin0=0A
第二條火線會係120度：100AXsin120=86.6A
第三條火線會係240度：100AXsin240=-86.6A

三條火線既電流會互相抵消。
不過掂到青線一樣會觸電。