關於驗眼(費用)和配隱形眼鏡的問題 (20分)

香港去驗眼係唔收費用的，即係我行入去話驗眼，驗完後運吉都可以，因為間間眼鏡鋪基本係提供免費驗眼服務。

香港會用部機驗完你隻眼後，叫你入一間比較黑的房，再測試作出微調。之後會再用另一儀器，幫你測試狐度。可能就係你所講量眼球大小吧。

依家香港有幾款隱形眼鏡
日戴式：每日帶一對，掉一對(係好乾淨方便，但相對貴)
月戴式：通常係一個月一對，一個月後先掉(比日戴式平)
年戴式：一年一對(最平，最慳錢)

以上3種，都要睇埋你有無散光先知價錢，
有散光的係會貴過無散光的鏡片

如果係日戴式，1盒係得15片，即係一個月需要2盒，1盒係大約$250，
$250x2=$500一個月，如果你一次過買晒一年的鏡片，就會有折
1年計都好Q貴，也可先買3個月先，用到差不多再買亦得，但折扣優惠一定無一次過買一年的多啦！

月戴式就好d，1對一個月，一對平均$100-$160，
不過有散光就會再貴少少

年戴式有散光太約$7xx左右，無散光的大約$3xx。