倉鼠嘴角生野

A.鼠鼠生粒,林林地係瘡,硬既話就係腫瘤,兩樣都要盡快睇醫生先得,雖然好多時初期鼠鼠較少會好累好病咁,但唔好以為咁就冇事,因為鼠鼠壽命短,新陳化謝快,d病毒都會忽然行得好快,到嚴重既時候先去處理,就好難救得好了
瘡既話,最好在爆之前就處理好,唔係既話,爆左就好麻煩,好難好返.
獸醫可能會幫鼠鼠放膿,要唔要放就要睇實際情況先知,由於有細菌感染,應該就會用抗生素治療.如果係用抗生素既話,必須定時服用晒所有抗生素,絕不能中斷.

腫瘤既話應該會照下,再做手術整走佢

放膿or整腫瘤都要落麻醉藥(放膿要睇位置同情況),所以如果你隻鼠年紀大既話,就要考慮清楚先好決定,老左既鼠好難承受到麻醉藥既.

B.呢兩樣情況都需要較多儀器,可以到大圍度睇:
大圍珍禽異獸及寵物醫院 DR.TIGER/DR.LAM
地址:大圍積信街75號地下 Tel: 2687 1030
http://www.taiwaiexotic.com/

另外以下既醫生都唔錯既:
旺角動物診所 - 梁醫生
九龍窩打老道66號A地下
電話 : 2760-1026

夏利維動物醫院 - Dr. Chris,Dr. Michael
天后永興街37號地下
電話 : 2570 6048

平d可以睇愛護動物協會,但做手術既話,都可能會叫你睇大圍,因為設備不足,加上醫療車冇得揀醫生
愛護動物協會診所資料:(需入會) Dr. Corla DeWet
http://www.spca.org.hk/chi/vet/vetclinic.html
愛護動物協會流動醫療車資料:
http://www.spca.org.hk/chi/vet/moclinic.html

C.睇醫生可能要book or如果未即時去到既話,可以做住以下既野先:
1)有第隻鼠既話要分籠,患病既鼠被第隻鼠乘虛打死(鼠鼠本身係獨居動物,其實咩情況都係一籠一鼠較好),加上多一隻鼠易令生病既鼠多一分受細菌感染既機會,而且佢地好可能已打交
2)保持環境乾爽清潔,避免有更多細菌再令鼠鼠受感染
3)唔好俾風直接吹到鼠鼠,要鼠鼠保持溫暖
4)俾一d有營養既野佢食.可以試下俾d麥片or白麵包佢
5)如果鼠鼠唔食野唔飲水,就用手直接餵,都係唔食既話,就要俾d耐性試多d,鼠鼠唔舒服,又會好累咁,係冇咩胃口既

D.亂倫生出唻既鼠係會特別多問題,其實鼠鼠最好分籠,繁殖鼠鼠會有好多問題,希望你可考慮唔好再繁殖及一籠一鼠
我自己一籠一鼠左好耐,鼠鼠身體都好D,唔會被打,又少受驚,我既鼠多數都係老死OR年老腫瘤而死(當然配合返唔亂食野,同適當地對鼠鼠啦),建議分籠原因如下:
1)倉鼠天生根本就係獨居動物,根本唔適合群居,就算兄弟姊妹,同性別or唔同性別,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既
2)鼠鼠既繁殖速度好快,而且繁殖鼠鼠有好多問題(例如鼠媽媽有機會會食bb,bb未戒奶就打交但又唔分開得),就算樣樣都解決到,都會令鼠鼠既生活質素下降,鼠媽媽生育後壽命又會縮短(甚至難產),好多隻鼠又會有第d問題,所以真係唔好俾鼠鼠生bb呢
3)可能你會話鼠店既鼠咁多隻一齊都冇事,但鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨...所以鼠店講既野,,唔好盡信,鼠店有鼠死左都唔會俾客人知呢
4) 就算兩隻鼠初初唔打交,其實之後都好易再打,特別係鼠鼠夜晚活動既多,半夜打起上唻,你又唔知既時候,仲危險.我細個既時候都試過覺得2隻鼠好似好fd咁放埋一齊,同一胎,我出去一陣返唻就打死晒啦
5)可能會諗鼠鼠會怕悶,但其實鼠鼠天生獨來獨往,只要有足夠既空間同運動(一個轉輪都ok啦),鼠鼠就唔會悶

2008-07-24 11:43:33 補充：
樓下網友既講法唔同意,希望網友唔好介意及可以留意一下:

唔好自行用人既藥物用落鼠鼠度,人同鼠既體型相差好遠,唔好以為外用就冇問題,人都會因搽得太多外用藥而死既,加上鼠鼠仲好易會舔添,最初可能會有功效,但不知不覺地會傷害到鼠鼠身體,甚至因鼠鼠舔完而毒死

問題緊唔緊要都係好睇情況,如果係膿瘡,好易會整爆,有細菌感染就十分嚴重
而腫瘤既話,更加係危險,就算係良性腫瘤,都會搶走鼠鼠既營養,鼠鼠身體日差,咁都好嚴重

我隻鼠都曾有咁嘅瘡, 可以到相熟藥房買一般嘅搽瘡膏, 大概 $40-50 一支, 牌子不便在此講, 總之一般搽腫瘡嘅都可以. 我個隻都係咁醫好過, 慢慢幫佢搽幾日, 見到有收細就表示有效. 唔放心就梗係睇醫生, 但此類問題又真係不需看醫生咁緊要.

自己諗下應點做, 但唔理就問題會越嚴重, 腫得大會影響佢食野. 會影響健康.