✔ 最佳答案
首先我想知你有無發炎, 因為龜頭發炎會比較難好, 況且你龜頭長期
比包皮包住, 龜頭D皮好薄, 割完之後可能要換幾次皮先完全好番晒
架, 大約兩,三個禮拜啦.
包皮口過窄到發育完都唔會有太大改善, 應該早D割, 起碼都清潔D.
割完痛就一定會, 但係未至於行唔倒, 做完後會用一個紙杯型嘅嘢蓋
住, 你著D鬆身褲, 再著件長T-shirt 遮住, 唔多覺嘅.
小便如果去得小心, 唔會濕倒傷口嘅, 不過每次去完要用藥水洗傷口,
紅色細細包嘅, 醫生會比你架喇, 唔夠再去藥房配. 建議你坐在厠上小
便, 之後用藥水直接淋落傷口, 再用風筒吹乾比較方便.
如果睇私家排期, 醫生卜倒手術室就可以進行, 好快架, 暑假一定得,
唔使擔心. 費用約$10000~20000, 視乎邊間醫院做.
2008-07-25 03:30:39 補充:
我個仔7歺做左, 因為佢case係龜頭長期比包皮包住, 除左包皮圍住嘅傷口之外, 成個龜頭都會結焦, 傷口比較大, 所以用紙杯蓋住嘅時間較長, 約兩個幾星期; 相反如果只有包皮圍住嘅傷口, 幾日就可以乾晒架喇, 到時就唔使蓋住. 我識得有D人嘅case只係包皮過長, 唔係包皮口過窄, 割完後幾日就好番晒喇.
每次去完小便都要洗, 直到結晒焦為止.
因為未知你嘅case同我個仔一唔一樣, 要睇左醫生先可以預計倒幾耐服完, 快則幾日, 慢則兩,三個星期, 你自己要預計趕唔趕得切喇.
2008-07-25 03:35:55 補充:
如果你咁大個仔, 你唔驚嘅話可以用局部痳醉嘅方法, 私家外科醫生可以喺診所做倒, 唔使卜手術室可以快D做, 相反如果全身痳醉就一定辰要去醫院.
2008-07-25 03:40:53 補充:
一年後做影響未必太大, 只要你注重下衛生, 唔好發炎就無問題.
割埋條神經線? 我未聽過喎, 割包皮好平常, 外國D細路出世無幾耐就做, 唔好比人誤導.
2008-07-25 03:43:46 補充:
啱啱做完可能未習慣, 會比較敏感, 即偽好易會硬, 過一排就無問題架喇, 唔使太擔心.
參考: 我個仔上年做左.