p5100拍攝技巧

咁有兩個可能性,可能因為你用全手動而設定咗一個唔配合既光圈同快門,另一個可能係你用快門先決,但係設定咗一個在當時環境跟本無法達到既超快快門或者超慢快門.
先講全手動模式,光圈及快門必定要配合先可以拍出曝光正確的相片的.例如當時的組合應該是f8, 1/125秒,咁用f5.6, 1/250秒一樣可以拍出曝光相同的照片,但如果你冇理測光結果用咗f8, 1/500秒張相就會好黑.又或者用咗f2.8, 1/30秒咁張相會好白.P50應該會在手動模式提示你的設定是否會欠曝或過曝的,我睇翻佢測試佢LCD上應該有把呎講你知,詳請可能要睇睇說明書.
至於快門先決雖然係半自動模式,相機會幫你決定光圈,但依然有機會出錯.首先要了解相機有極限,例如在一個光線不足的地方夾硬用高速快門,即使相機開盡光圈都唔夠光張相就會黑晒.如果真係要用快快門就要提高iso,相片無可避免會有雜訊.但亦都有極限的,例如影夜景就算用到最高iso,最大光圈都冇可能去到1/1000秒快門的.有部份人有個誤解以為手震就將個快門較快啲,咁係行唔通的.
至於過光就相反,例如出猛太陽用一秒影流水做特別效果,即使最低iso,最細光圈都一定會過曝.這時唯有適量加翻快快門或者用減光鏡等手段先得.
至於因為測光出現偏差例如背光,影極深色,淺色物體等引起的過曝或欠曝,就可以用曝光補償,即係+- ev去更正翻.
至於個AF燈閃就係因為難對焦,例如光線唔夠,景深太淺(影微距時),或者物件表面太平滑等所引致,要想辦法避開呢啲情況,例如改善照明,搵啲同主體差唔多距離既嘢來對焦等等.