各位 我係個女仔
今年18 都算係已經成年啦
我有個同屋企人相處既問題 想問問大家....
大家都知道宜家係暑假
個個年輕人當然有各自既活動去做...
去享受一下假期 去玩樂一下都係理所當然!!
我自問自己係18年裹面好守規舉
唔煙唔酒唔去蒲唔過夜.........
係17果年先開始出夜街...
我連聖誕節出街倒數都未試過
出親夜街都係9-10點就準時返屋企
就算宜家係18啦...成年啦 都係無分別
18年 我好守屋企既規舉 就算唔想都要守...
因為係屋企 爸爸媽媽講既野就係所謂既真理!!!
.....我想要小小自由空間...佢地就叫我自己搬出去住 唔好返屋企
我想去泳池學游水 佢地已經怕我會有危險 仲話會死....
我想去踩單車 佢地又話會跌...
我想去打波 佢地又話會整親 又話浪費時間........
我可以點
係學校 眼見周圍既同學 個個生活都係多姿多彩..
講真 我真係好羨慕......
今年暑假開始左一半 依然同過去17年無分別..
我想報課程學野 佢地又覺得浪費金錢時間...
算啦! 呢樣我明既 經濟問題!! 我唔勉強屋企人!!
始終搵錢辛苦!!
其實我都草左小小錢話 想同班朋友一齊去長洲玩番晚
自從我中一果陣去過學校安排既CAMP之外...
之後我就從來無去過CAMP ...因為又係屋企人既""唔比""
今晚同屋企人提過話想去長洲玩 順便住一晚
佢地完全無理我...只係一句唔得就算
問佢地理由又唔答..........
我既同學同朋友暑假已經有十幾廿個自己去左日本台灣玩.....
我都知 我無得同佢地比...但 我真係好羨慕
我連屯門都衝出唔到,...我連長洲都衝出唔到,,
更何況去旅行....
我知...大家一定話我既屋企人擔心我既安全之類....
呢個我明白!!! 我自問係個好冷靜既人...同屋企人好聲好氣傾過..
換來既答案永遠都只係話我唔好
佢地只係識話""你唔滿意咪自己搬走""
我一響都尊重佢地 但 佢地完全無尊重過我既意見...
所以真係忍唔住 就快頂佢地唔順...
佢地講既野就係真理 要我永遠只係服從佢...
講真 我真係唔想咁
我想請教一下 我應該點 .....