就走去第2間試下
我搵左好多間,跟著係界限街果頭
見到有間裝修唔錯
就入去試下
我原本唔諗住剪得好好..
諗住修修佢..
$58 <---今次真係自己搵自己笨...
(以下稱佢做飛髮佬,因為佢唔配叫髮型師)
我入到去講話要洗剪吹
之後我坐低就同我講
飛髮老:想點剪呀..
我:我話後面果到倒生,想剪undercut
飛髮老:我知我知...剪層後面就一定要剷ga la..
跟著佢就即刻剪...我心諗..
下...我洗剪吹ga wo講明
咁我當佢單剪啦..平d仲好..
飛髮老係咁用牙剪剪剪...
剪左3分鍾到同我講剪完...
我問佢:想問嗜你剪完La?
飛髮老(凸眼地):係呀...
(條友同我剪到側近2邊起哂角....勁kai子feel果隻 )
我同佢講:側近可唔可以唔剪到起角,薄返少少OK?
飛髮老(凸眼地):唔可以呀...最薄ga la...邊仲可以薄呀!?再薄有洞ga la...個個都話薄..邊有得薄ga,薄既話就唔係髮型黎啦
跟著佢又講: 你係咪次次剪髮都話薄呀?冇得薄ga,你咁講就變左好無聊ga la...你水平咁低,同唔到你講ga la,哩d先叫髮型呀
你個頭頭骨又凸起...又唔係圓,凹凸不平,45度角咁,係咁ga la!
我心中火都黎埋!!佢就行開,叫我過去洗頭..
我心諗唔係單剪咩?而加剪完又洗頭?..
跟著條XX同我洗完一次頭
返埋位,摔2野
用風筒吹我個頭既側近
同我講:咁咪唔起角lo!..
我話:整係可以吹?唔可以剪平佢?
飛髮老(凸眼地):係呀..邊有得薄者.
我個頭都未乾哂,就拿起d泥 整洛我個頭到...
摔幾野
同我講:你睇下...幾爆..幾靚...
我真係想嘔血
再同佢講: 你都剪得幾快wo..
飛髮老(凸眼地):係呀...快靚正lo
我真係想講,靚你條毛呀...28蚊阿伯都剪得好過你呀..!
之後埋單佢收我258洗剪吹價錢
我心諗你同我沖左一次頭...
要我比哩個價
真係可惡到佢!!!簡直唔係人...
而加諗返..
唔通就係我同佢講一句undercut
佢就覺得我扮野剪成咁...?唔係呀ma..
而加唔敢行出街...呀= =
更新1:
相: 剪前 http://i36.tinypic.com/1z2qgk1.jpg 剪後 http://i34.tinypic.com/160a9s5.jpg http://i34.tinypic.com/nwwves.jpg http://i36.tinypic.com/j8jxnc.jpg
更新2:
SORRY... 打錯字 係 $58 = = 唔係258= =