如果同一個女仔單獨出街,應該同姖講D咩點或做ｄ咩野好？？

我係一個女仔，用女仔既角度黎講，最怕個男仔第一次約我出街就飛擒大咬，摸手摸腳，講說話佔人便宜(除非個女仔係另類少少)。

如果你係想追果個女仔呢，我覺得你應該做得好了解佢既需要咁既樣，要細心同體貼~~
例如你應該在約會當日在她屋企附近接佢先，要plan好哂去書展既路線(最怕盲縱縱亂搵地方)，去到就要負責照顧佢既安全唔好比人撞到佢(果時可以問佢拖住行or叫佢捉實你件衫都ok)你仲要留意下佢有無出汗，你最好帶定紙巾(一定要tempo)、風扇仔、傘，到時你就識用架喇~~~
你仲要plan定去完書展之後去邊喎，當然係由佢決定啦，如果佢話返屋企，你就係咁意問多次佢真係要現在回家?佢話係，係就要送佢返去喇。如果佢肯同你繼續行街，你米問佢想去邊囉?一切以佢既決定做大前題。
不過你記得要動作自然d喎，唔需要太過生硬既~~
說話既技巧就好難教你，切記浮誇、作大、過於吹噓自己囉~~
另外比錢方面，如果你負擔得起吃下飯同飲下野你可以爭住比$既，你話佢要買書同其他野時，你可以衡量下自己既經濟同對佢既好感度，如果你覺得值得都可以幫佢比埋~~如果佢係好女仔係唔會要你咁破費既，如果佢一心要搵食，你都唔會想追佢啦~~

祝你有一個愉快既約會

要睇下個女仔D性格點喎

如果係靜果D 我諗你都係唔好講太多野

因為衣D女仔多數中意自己一個靜靜地做野

不過當然 你可以間唔中同佢講幾句野

因為衣種女仔會好怕醜

就算想講野都唔會講

最好等佢慢慢同你熟 佢就會放心同你傾計

可以問下佢

* 你好中意睇書GA?
* 睇咩書多呀
* 有冇睇過XXXX 聽講幾好睇喎
* 餓未呀 我請你食野丫
* 行得攰唔攰 駛唔駛坐下
* 果邊好逼 陣間整親 遲D等冇咩人先再行衣邊啦

然之後如果佢開始慢慢主動同你講野

你可以試下去了解下佢

EG. 你中意食咩...

不過如果佢仲係唔同你講野既話

咁自己執生啦

---------------------------------------------------
如果佢係活潑果D女仔

佢應該都會嘗試搵話題同你傾

因為衣D女仔最怕冷場

除左上面我教你講既野

你可以一路同佢講下笑呀

同佢鬥下氣咁啦

氣氛盡量唔好做到咁尷尬

當然 無時無刻都要保持風度

最緊要就係冷靜D

因為如果你緊張 個樣會睇得出

到時個女仔都唔知俾咩反應你好

2008-07-24 16:54:51 補充：
補充一點

如果果個女仔開到口話想買D咩

你最好第一時間同佢講

不如我送俾你丫 當係第一次出既既禮物

但係如果個女仔拒絕既話

就唔好勉強人


通常行書展都唔會行好耐

去完書展可以同佢去食下野先

食完問佢得唔得閒

想做D咩

或者你可以陪佢行下街 睇下戲咁

都係果句

同女仔出街 可以既話最好幫佢俾埋錢

當然啦

如果出街既話

就要做好準備

如果 果日天氣唔係咁好

就帶定把傘

怕曬既就帶太陽油

蚊怕水 等等= =

不過 可能唔使既

其實同女仔出街

最緊要令佢覺得

同你行街好開心 就得

le 個先係重點

唔可以俾佢悶

當然 寧願自己悶d 都同人一齊啦

咁首先就要問佢 中意睇d 咩書

跟住以你自己所知既去同佢傾計

仲可以問下問題

**

當然 要多d 問佢問題先有野講既

唔問 咁邊個 出聲 係咪?

得既話 仲可以自己出錢

買本書俾佢

如果佢話有本書想買

但係冇買到

你可以買番 當驚喜

咁自己就要帶多d錢啦

而且 盡量唔好令人地唔開心

= = 係人都知啦 ~~

仲可以傾下 行完之後 會邊度食野呀果d

你記住關心人多d就得架啦

仲有唔好怕羞 係人面前 展現自己好果面啦. . .

加油耶

去書展， 話題當然離唔開書啦 ！ 講你鍾意 ge 書， 問佢鍾意乜野書， 講下作者， 講下舊作， 講下你要揾 ge 新書； 講下最近 ge 新戲， 問佢邊套想睇 ？ 睇左邊套 ？ 咁熱有無去游水 ？ 屋企人有無排隊買奧運紀念鈔…
做 d 乜 ？ 咪問佢口渴嗎 ？ 攰嗎 ？ 要唔要抖抖， 飲 d 野再行 ？ 留意佢鍾意邊本書， 自動自覺送一本比佢； 幫佢拎 d 書 ( 如果佢有買 )， 帶把風扇仔， 帶多 d 錢， 帶紙巾抹汗 …
行完就去飲 d 野， 食 d 野， 傾一陣計， 順便約定下一次出街 ( 如果你想 ) ， 跟住送佢返屋企， 因為行左咁耐， 驚佢辛苦， 想佢早 d 休息 …
安全送到屋企後， 多謝佢陪你行書展， 然後拜拜 ！

首先安排每一part時間,
如何時食早餐 e.g 10:00
交通方面 (11:00)
到場時間 (是乎地方而定)
觀光時間 (約兩三個鍾,可以check 下那時段有明星到,可以就番時間),
中間可以take 個break休息,場內食物超貴,你可以準備食物,自製仲好.帶水,飲料,)
然後約可能4.5點到..(因為書展冇野睇,我覺得.).直到銅鑼灣時代行下
citysuper,同附近有一個出名夾公仔同打game地方.
之後dinner la....

總結:出街一定男仔安排成日行程,目的係比女仔知道你夠唔夠細心,有冇計劃,最重要唔好有空檔時間...希望你happy