我想問關於網上詐騙~

你有同對方通訊紀錄同埋入數紙，祇係證明你有過數畀佢。但係無證據證明你無收過件貨！
假設對方死口咬定已經寄件貨畀你，係你收唔出聲，定係寄失都真係有排拗！我諗你報警警方一定唔受理，銀碼唔大你可以自行到小額錢債審裁處追討。但係始終句，你無絕對證據向裁判官證明對方無寄貨畀你，你口同鼻拗就要睇官信邊個！香港係奉行普通法，有法律疑點利益係歸於被告！
仲有你要自行到小額錢債入紙同畀手續費開始追討程序，對方唔收傳票同埋唔出庭時你又要再追一次。就算被你贏到時佢唔賠錢，你又要畀錢請執達吏去封佢財物。追得返都正式係勞民傷財，我勸你損失唔大就當買個教訓算啦！記緊下次交易時一手交錢一手交貨啦！
個人意見！希望可以幫到你！
圖片參考：http://tw.yimg.com/i/tw/ugc/rte/smiley_35.gif


2008-07-30 21:06:18 補充：
咁我又唔信郵局會有所有郵件郵寄紀錄喎，除掛號郵件外！你就咁走去郵局問佢有無人寄畀你？或者XXX有無寄畀你？我就唔信佢有詳細紀錄香港咁多人究竟邊個有寄過信，邊個無寄過！佢畀你答案應該祇係話，你名下暫時無未派送郵件！
你即管試下叫郵局出張XXX無寄過畀你證明，如果郵局出唔到畀你，咁你又點樣去堅持對方無寄畀你呢？