✔ 最佳答案
呢個只是年輕人獨有的問題，在職場上打滾了一段日子的人，最想搵的是你依家的工作。
呆坐的原因有好多，我試下講下，你睇下邊個的情況同你相似。
1 細公司，根本沒有野做︰好多時細公司點都要搵個人坐起寫字樓聽下電話，收下文件，真係冇乜野做，冇乜野學。最好自己進修下d要2年或以上完成的課程，好似學位，MBA，因為呢類工老細唔介意你返工時做工課同讀書。
2 大公司，分工太仔細︰大公司，分工太細，所以分下分下，每個同事其實都唔駛做好多野，非常得閒，但又唔可以做自己野，最好睇下d舊file，睇下前人點做野，同埋d文件file 起邊，要搵都方便好多。
3 上司唔想下屬太叻，知太多野︰咁會乜都唔駛佢做，費事個下屬識晒d 野，坐埋佢個位。這種情況你一定要先取得上司信任，佢先會交野比你做。
4 次次叫你做，你都做錯野，不如自己做番好過。
5 未有時間教你，又唔放心比你自己做。到佢有時間教你時，隨時多野做到死。
我去自動學習其他知識時，都感到無心機，提不起興趣，我想問係我的問題，抑或我未搵到適合自己的工作？可能與你這兩個問題都無關。首先你要攪清楚其實你想做邊類型的工作先，才去修讀相關課程，自然會提起勁。
我應該利用返工時間學習其他知識？如果上司唔介意，一定會咁做。
總之，你而家做緊呢份算是好工。在未找到自己的定位（做邊行︰銀行，貿易工司，設計等。工作性質︰對客，處理文件等）前，唔好轉來轉去，到你轉到份要OT到8-9pm 的工（無OT錢），真係喊都無謂。
