✔ 最佳答案
貨不對辦的問題唔大,但要留意,因為花有季節性,所以有時未必能跟足網上照片的貨辦一模一樣,要有心理準備。但主花品種同數量,花束的大少,設計,應該要有9成相似。至於襯花,包裝紙,主花的顏色則未必相同,你可事先打電話溝通左先。下面是我訂花的經驗,可以分享一下。
網上花店有好多,可以選大間的,佢地的網站有齊不同價格,不同款弍的樣版供選購。
訂購時,我會揀好貨品編號,再電話聯絡佢地,問清楚送貨日期,時間,如果有特別要求,好似花的種類或顏色等,都會溝通好,有時佢地會比翻d意見我,好似今日d馬蹢蘭靚,如認為合適,我就會接納佢的意見。訂貨時我會要求對方影番張相比我,等我知道送左的貨點樣。因為花季不同,不可能完全同樣版一樣。
最重要是比錢,公司訂的,好多時都可以送貨後出票找數,但私人訂的,可能要先繳費。
我一向用開 Ambassador,價錢適中,你可以上佢個網睇睇。
2008-07-23 16:26:28 補充:
人地 $350的花都有 wor
https://www.ambassador.com.hk/search.php?substring=&price_search_1=1&price_search_2=350
咁都貴就真係幫唔到你。我一向訂開around $400.
天水圍唔係商業區,真係無辨法拉,車錢貴,人工貴,送一扎花都要一個人花兩小時來回,成本好貴。佢地個花價有得講價(經常這樣做),運費都可以免(睇邊區拉),但都唔可以太離譜。
你可以試下找些在元朗,屯門,天水圍開的花店,都可以要求佢地send 翻幅相比你。佢地送貨去天水圍成本平好多,運費同花價都可以低d。