我真係好想有人幫我呀~
我今年20歲,有父母!我阿媽係一個賭徒(澳門果種).我阿媽今世人輸左100萬左右.但o係我10歲果年,家庭開始破裂.
阿媽成日打我阿爸,我阿爸忍唔到打返佢.成日收埋我阿爸D信用卡,EPS,銀行存摺,錢等等!有次偷左佢張信用卡去透支左9萬!
一年之後佢地好返,當時我11-12歲!但好景不常!
上年我阿媽叫我阿爸將10萬-20萬積蓄買股票,但我阿爸係一個怕投資同性格暴躁既人,成日話D股票跌到仆街!
我阿媽係一個發錢狂發到痴線既人,佢唔搵返100萬佢死都唔安樂....之後終於取消股票戶口,我阿媽股票夢碎~
又開始成日打我阿爸,收埋我阿爸D信用卡,EPS,銀行存摺,偷錢等等!我阿媽唔知咩情況下 就會發癲!
呢半年黎發過4,5次癲!我做仔既都唔幫佢,我以前就幫佢!但我而家好憎佢,係佢搞到我由細到大都冇好既家庭!
我已經報過好多次警,但D差人完全幫唔到!
我真係未見過一個女人可以賭到咁架,好似以前D道友咁,冇錢就乜都做得出!
呢十年黎佢一直去澳門賭錢,想搵返佢失去既野!我地旁觀既,當然知十賭九輸!但係我阿媽真係輸到痴左線!
我真係好想佢地離婚呀!但我阿爸點都唔肯,我阿媽仲過份!!!!想玩到我阿爸死果日!!!!
佢地一日唔離婚,我屋企一日都冇好日子過
我真係好想有機構幫到我,大家教我點做
更新1:
我之前搬過出去住,但情況比而家更差! 我阿媽見我都走埋,日日都廢癲,日日都打我阿爸! 而家我返左黎,我阿媽只係耐唔耐先廢癲!佢一日冇幾十萬,佢一日都唔收手! 我而家有一萬蚊儲畜左右,如果情況再係咁,我會半年後再搬出去住~ 我會當自己冇父冇母,由得佢地自生自滅!留o係呢個家真係好痛苦!
