✔ 最佳答案
你隻狗應該系皮膚敏感或者系皮膚病既初步跡象, 因為我屋企隻狗一到夏天皮膚就敏感, 成日就會去舐自己d手腳, 甚至偶然會舐生殖器, 咁樣, 我就帶佢去睇獸醫, 醫生話佢皮膚敏感, 給牠特定的狗糧食以防敏感, 食左之後,狗狗就真系少舐左手腳!
或者你隻狗狗都可能系皮膚敏感都唔定, 因為天氣熱, 人都出熱痱啦, 何妨隻狗成身毛, 想唔痕都几難啦! 你先試下多D幫佢用冷水洗下手腳, 因為狗狗唔可以日日沖涼, 如果唔系皮膚就會更加唔好, 少D比佢食肉類, 多D食魚類,或者系三文魚, 我狗狗就食緊醫生比佢個D魚油丸, 據說魚油丸能令狗狗D毛變靚同皮膚變好, 又或者你可以幫狗狗試下換狗糧, 寵物店都有D狗糧專系比有皮膚敏感的狗狗食, 你問下D店員啦, 佢地都應該知道, 如果呢D方法都唔得,你就要帶狗狗去睇下醫生啦!
其實好多狗狗都有皮膚敏感既, 最好系我地初步發現時, 幫佢地控制住, 如果唔系遲左有可能演變成皮膚病, 咁個時就好麻煩!