結婚當日 請問敬茶程序? 那種茶葉材料最好 ?

Q：結婚要留意很多禮儀, 請問敬茶時,有甚麼要留意和程序?
注意事項：(所有玻璃都要小心，一定唔可以打爛嘢，因為唔利是)
>>敬茶既時候唔好用咁熱既茶，因為驚茶杯太熱，飲茶 / 敬茶既人會『辣親手』，令搽唔穩隻杯 / 倒瀉茶 / 打爛茶杯
>>最好用有耳仔既茶杯，可以搽得穩陣啲 (雖然宜家 for 敬茶既茶具好靚，好多都無耳仔，但原來敬茶既茶杯無耳仔係唔好架！(我問過啲長輩 / 熟悉婚禮禮儀既人，佢地都建議我用有耳仔既茶具)
>>敬茶時一定要雙手敬茶，以示禮貌
>>敬茶儀式開始時，最好搵多幾個姊妹幫手，一個負責斟茶、一個負責遞茶俾新郎新娘敬茶 & 接返啲杯、一個負責洗杯 & 抹乾啲杯
***負責斟茶嗰個姊妹要注意，斟茶時唔好心急，啲杯一定要放穩响枱面，之後先斟，斟完後再放好茶壺！負責遞茶既姊妹再由枱面攞起茶杯遞俾一對新人
>>其實用咩茶都無所謂，多數人用鐵觀音、香片 / 紅茶，再响茶入面放龍眼 & 紅『祖』← (一定要放雙數...)
>>敬茶次序：女家 (父母、長輩(由長至幼)→男家(父母、長輩(由長至幼)→酒樓(長輩：無分先後，見到邊嗰得閒就斟左先...)

他們說得７７８８，但弟妹是不用敬茶的，兄姐，堂兄姐，表兄姐才需要。有一點一定要記住，是非常重要的，敬茶時如果飲茶的人是未婚的，你們千萬不要跪。而飲茶的人同時是你同輩，即兄姐，堂兄姐，表兄姐又未婚的話，他只能站着飲你杯茶。如果不是，他們會．．．．．．（今世都會單身）
如果飲茶的人的另一半不在，你們都要照敬茶，還要當他還存在照敬茶給他，唯一不同的是，他那杯茶是會被倒進桶／大碗內，當然不是你們做啦，你們只需事先準備桶／大碗就可以了。
茶杯內除了放龍眼， 紅棗外，還要放蓮子，百合，寓意百年好合，年生貴子。

如果父母雙全, 是父母先的, 才到祖父母, 佰父輩, 叔父輩, 姑母輩...

茶葉方面好在乎家中的習慣, 上海人喜用香片, 潮州人喜用鐡觀音. 而過大禮時普洱, 六安也有人用.

安伯話：敬茶基本上先敬當天、祖先，然後父母，再由大至小，即祖父母至你弟妹等等。
茶葉會用過大禮時送個的，可指定要大紅袍，南方人就用普洱(保利好意頭) 。