如何幫助bb自己瞓覺?

兩個月真係好小BB會自己訓，我個仔兩歲都未必可以成日自己訓，不過有DBB幾個月都可以，真係好睇BB本身既性格
我朋友就真係由得佢喊，因為BB自己一間房，滿左月之後夜晚就放佢入黑媽媽既房由得佢喊，開頭就淨係喊左十五分鐘就訓，隔幾日就喊得十分鐘，再隔幾日淨係喊五分鐘，之後三個月既時候就已經可以自己訓喇。但係佢之後生個女都係咁訓練佢，點知個女由第一日開始每晚都不斷咁喊，過左兩個星期，佢個女都仲係喊到有人入去抱番佢先收聲，如果唔係就一直係咁喊。
所以真係唔係同一個方法都適合全部既BB架。若果你真係想佢自己訓既，你都可以恨心咁試下。但係如果BB過左一兩個星期都仲係咁喊就要停喇，可能佢真係唔適合咁早自己訓。但係你都可以慢慢令佢習慣既，起初放低佢唱歌比佢聽同拍PATPAT拍到佢訓，之後慢慢拍下停下，再之後拍既節奏越黎越慢，最後就越拍越小，但係佢而家咁細個可能要長D時間。
另外你亦可以自己整一個大D既米袋比佢，我個朋友既媽咪整左一個好大個大到好似張被咁，成個米袋車晒一格格每格都有米係入面，佢個女細個時真係冇咩點喊就自己訓覺
湊BB係要好多耐性架，希望你都可以成功啦~

你試下用johnson baby隻甜睡沐浴露,我個仔都有用~
但係唔好成日用,因為佢習慣左d味就無用!
但你初初用的幾次,真係超有用!

個個ｂｂ性格都唔同，有ｄ可以好早就自己乖乖訓覺．
而家ｂｂ先得兩個月大，缺乏安全感，所以好難令佢自己訓覺．
如果你決定咁做，就要狠心ｄ．我個ｂｂ開頭都係咁，要我抱住訓，一放低佢就醒．
你可以試下抱到佢訓著後放佢落床，如果佢醒左，就拍下佢，話佢知媽咪ｏ係度陪你訓，哼下歌仔佢聽．唔好一喊又抱起佢，等佢喊１５ｍｉｎｓ都仲唔肯先抱佢再試過．
你要好有耐性慢慢試，我ｏ個時試左３，４日ｂｂ就可以自己訓，不過要我ｏ係佢旁邊陪住，直到佢訓著為止．
你仲要每日差不多時間就要比佢訓覺，好似我咁，夜晚餵佢飲完最後ｏ個餐奶奶，同佢抹完面，同佢講，夠鐘訓覺覺啦，等佢知道係時候要訓覺．咁就事半功倍．

BB可能無安全感, 所以不停咁喊
你試下用條大毛巾包住BB, 加個小米袋放BB心口位置
等BB以為媽咪在身邊, 可安心訓覺
另外你放BB在床後, 唔好立刻走開由得佢不停咁喊
你可在床邊輕拍BB, 輕輕掃下佢對眼, 都可令BB快D訓