路營見到野狗...(重要)

樓上第二位朋友唔好嗡得就嗡，係郊外野狗係好危險既，絕對唔好惹。正如第一位朋友話齋，見到野狗唯有走人，如果佢地搵你地啲野食，咁樓主最好就大方啲由得佢地。狗係好有性既動物，即係係野狗，你比野佢食佢點都比幾分薄面你，唔會對你點。而且講真佢地都幾可憐，咪當做下好心囉。不過，樓主最好就唔好反應過度，狗吠同啲人靠嚇係咁大叫“咩呀！咩呀！”差唔多，都係壯膽而已，樓主唔駛太介意，唔彩佢地就得啦。另外，樓主有一件事要記住，郊外唔係城市，係荒山野嶺人類先至係入侵者，所以你係郊外見到唔同既動物，包括野狗、野牛、野豬等一啲都唔出奇，郊外係佢地既家，你去到呢啲地方，唔好阻住佢地搵食就得啦，但唔好唸住佢地完全唔存在。如果樓主習慣唔到呢樣野，咁以後唔好去郊外啦。

下一次遇到d咁既情況
應該一開始就要嚇走D狗
因為你地一開唔理佢地
搞到佢地認為你地好蝦
所以咪call齊班friend黎搵野食囉

下一次可以先睇睇邊一隻係呀頭
（通常D呀頭都係行頭個隻）
只要嚇走左隻呀頭
其他都會走嫁喇

去一D冇野狗既campsite味得囉！