唔知乜原因致死, 想知一下 ?
更新1:
我都有安風扇散熱, 同有水樽比佢, 咁睇可能係心臟病多.
倉鼠突然死亡原因
回答 (2)
2008-07-22 8:50 pm
✔ 最佳答案
好抱歉知道你既鼠鼠離開左,希望你唔好太難過鼠鼠死之後係會身體彊硬,當佢冇任何病徵既情況下死亡,我覺得有以下既可能:
1)中暑
鼠鼠係好怕熱既,而家天氣熱,所以鼠鼠好易因太熱而脫水,脫水係好快可以致命
野生既鼠日頭熱可以呢埋源既地底,而寵物鼠就在地面,所以夏天既日頭係鼠鼠既大敵,一定要小心處理
2)肥胖
你既鼠鼠好肥既話,唔知鼠糧同草俾過咩俾鼠鼠食呢?胡亂食野易令鼠鼠體內出現問題,而肥胖亦易誘發疾病,所以建議鼠糧及草以外都唔好俾鼠鼠食其他野,特別係人既食物
3)體內腫瘤
體內既腫瘤一般都好難發現,鼠鼠初有腫瘤多數生活上都冇咩變化,而鼠鼠既新陳代謝快,有病可以好急,兩樣加埋,就有機會出現有腫瘤都唔知既情況下就死
而體內腫瘤都會睇落肥左咁
4)受驚
鼠鼠係好細膽既,受驚會引起疾,亦有可能會嚇死,特別係有心臟病既鼠
有心臟病多數都會有呼吸困難既情況,但亦有無聲冇息而死亡既
5)老死
老死之前大多冇咩特別,而死之前一段時間,都會比較冇力
2008-07-24 03:47:50 補充：
咁日後再養就可留意返,小心留意鼠鼠既情緒,,希望你日後再養既時候,鼠鼠都健康
參考: 十多年養鼠經驗,原創文字,請勿參考轉載,謝!
2008-07-24 9:12 pm
倉鼠一般疾病
(一) 消化系統疾病
A.肚痾 (濕尾症)
原因 : 細菌感染、食物變壞、壓力等都有可能做成肚痾。
症狀 : 除肚痾外， 仲會出現體重減輕、食慾不振等症狀，剛斷奶及長毛種既倉鼠易出現此病。
預防及治療 : 如果金錢、時間許可立即帶佢睇獸醫，因為唔同原因，醫治都有差異。如果放任不管，2~3日內就會死亡。平時要保持籠子清潔、每日更換乾淨涷滾水 / 蒸餾水、檢查食物有否變壞、減少壓力。
B. 腸狀脫出體外
原因 : 過度肚瀉，會令直腸由肛門脫出，甚至令回腸結腸亦一齊脫出。
症狀 : 如見到肛門位有鮮紅既腸突出，要立即醫治。
預防及治療 : 要立即動手術，置之不理，會感染細菌或自己咬腸引起壞死，一星期內會致命。平時要避免倉鼠肚瀉或便秘。
C. 腸扭轉
原因 : 食左廁所砂、毛巾、棉花等墊材，由於消化唔到而在腸內阻塞，引致腸扭轉，或者長毛倉鼠經常整理自己既毛而將毛食了。
症狀 : 食慾不振、便秘、日漸消瘦。
預防及治療 : 睇獸醫，輕微可用藥物、嚴重要做剖腹手術。平日留意鼠鼠有否食左 d 墊材，避免用會凝固既廁所砂，留心便便數量有無少左，多些餵食纖維高既食物。
D. 寄生蟲性腸炎
原因 : 腸內受到各種寄生蟲感染，例如毛滴蟲。
症狀 : 多數出現軟便、水便、食慾不振、脫水、腸脫出等。
預防及治療 : 口服止瀉藥及驅寄生蟲藥，被倉鼠便便污染既物品，要立即清潔消毒。
(二) 皮膚疾病
A. 毛囊蟲症 (寄生蟲性皮膚炎)
原因 : 寄生在倉鼠身上既毛囊蟲，會因皮膚免疫力衰退而發病。
症狀 : 如果是熊仔鼠，會由腰部到臀部之間脫毛，引起發炎既症狀，如果係小型倉鼠，會由頸部至背部之間脫毛，而且會不停抓癢。
預防及治療 : 睇獸醫用注射及搽藥，殺死寄生在鼠鼠身上既毛囊蟲。
B. 過敏性皮膚病
原因 : 對某些墊材，例如柏木、松木或某些食物過敏。
症狀 : 四肢、腹部、胸部、側腹等大範圍面積，有輕微甩毛，並且有出疹現象。
預防及治療 : 要搵出過敏原因，並需服用抗敏感藥。
C. 營養性皮膚病
原因 : 鼠鼠飼料含蛋白質比例，經常不到百份之十六。
症狀 : 容易甩毛，尤其四肢及面部。
預防及治療 : 改善鼠糧，增加礦物質及維他命。
(三) 口腔及牙齒疾病
A. 咬合不正
原因 : 遺傳 或 經常咬籠。
症狀 : 無法正常進食、食慾減退、口部無法合好，經常流口水。
預防及治療 : 帶去獸醫處處理，嚴重可能要定期剪牙，避免過度咬籠。
B. 頰囊發炎
原因 : 長時間將食物放置向頰囊，較硬、較尖既食物亦會整傷頰囊。
症狀 : 頰囊發炎 / 頸部積膿，導致面部腫脹，產生腫瘤或流膿
預防及治療 : 帶去獸醫處理，服抗生素，嚴重時要做手術]。
(四) 呼吸及循環系統疾病
A. 細菌性肺炎 / 感冒
原因 : 溫度經常變化、溫差大、不潔環境中感染細菌 (不是單指鼠籠清潔問題，是全個家居環境清潔問題) 而引致發炎。
症狀 : 呼吸困難、鼻涕有膿、食慾不振、有眼屎、體溫比平時略高等症狀。
預防及治療 : 盡早看獸醫，保持環境及籠子清潔，溫度保持 20 ~ 24度，均衡飲食。
B. 心臟衰竭
原因 : 受到遺傳、環境、營養狀態影響，大多是大年紀之鼠鼠才會有。
症狀 : 呼吸困難、體重減輕、食慾不振、體溫下降、運動能力變差。
預防及治療 :服利尿劑、血管擴張劑 及 強心劑。限制運動，食物除要均衡外，並要低鹽、低脂肪 (瓜子花生盡量不要俾)、高纖維 (多給蔬菜)。
2008-07-24 13:14:59 補充：
請各位主人注意 : 在家中預備以下物品以備不時之需，有時晚上鼠鼠突然有事，自己可先行處理，待獸醫診所開門，有時好大機會救回鼠鼠一命…..
(1) 小動物止痾水
(2) 小動物止血散
(3) 外用消毒火酒
(4) 暖手包
(5) 營養粉
(6) 小動物用針筒
***注意 : 以上物品，每樣有效期不同，要留心到期日，到期未用要再買過。***
(一) 消化系統疾病
A.肚痾 (濕尾症)
原因 : 細菌感染、食物變壞、壓力等都有可能做成肚痾。
症狀 : 除肚痾外， 仲會出現體重減輕、食慾不振等症狀，剛斷奶及長毛種既倉鼠易出現此病。
預防及治療 : 如果金錢、時間許可立即帶佢睇獸醫，因為唔同原因，醫治都有差異。如果放任不管，2~3日內就會死亡。平時要保持籠子清潔、每日更換乾淨涷滾水 / 蒸餾水、檢查食物有否變壞、減少壓力。
B. 腸狀脫出體外
原因 : 過度肚瀉，會令直腸由肛門脫出，甚至令回腸結腸亦一齊脫出。
症狀 : 如見到肛門位有鮮紅既腸突出，要立即醫治。
預防及治療 : 要立即動手術，置之不理，會感染細菌或自己咬腸引起壞死，一星期內會致命。平時要避免倉鼠肚瀉或便秘。
C. 腸扭轉
原因 : 食左廁所砂、毛巾、棉花等墊材，由於消化唔到而在腸內阻塞，引致腸扭轉，或者長毛倉鼠經常整理自己既毛而將毛食了。
症狀 : 食慾不振、便秘、日漸消瘦。
預防及治療 : 睇獸醫，輕微可用藥物、嚴重要做剖腹手術。平日留意鼠鼠有否食左 d 墊材，避免用會凝固既廁所砂，留心便便數量有無少左，多些餵食纖維高既食物。
D. 寄生蟲性腸炎
原因 : 腸內受到各種寄生蟲感染，例如毛滴蟲。
症狀 : 多數出現軟便、水便、食慾不振、脫水、腸脫出等。
預防及治療 : 口服止瀉藥及驅寄生蟲藥，被倉鼠便便污染既物品，要立即清潔消毒。
(二) 皮膚疾病
A. 毛囊蟲症 (寄生蟲性皮膚炎)
原因 : 寄生在倉鼠身上既毛囊蟲，會因皮膚免疫力衰退而發病。
症狀 : 如果是熊仔鼠，會由腰部到臀部之間脫毛，引起發炎既症狀，如果係小型倉鼠，會由頸部至背部之間脫毛，而且會不停抓癢。
預防及治療 : 睇獸醫用注射及搽藥，殺死寄生在鼠鼠身上既毛囊蟲。
B. 過敏性皮膚病
原因 : 對某些墊材，例如柏木、松木或某些食物過敏。
症狀 : 四肢、腹部、胸部、側腹等大範圍面積，有輕微甩毛，並且有出疹現象。
預防及治療 : 要搵出過敏原因，並需服用抗敏感藥。
C. 營養性皮膚病
原因 : 鼠鼠飼料含蛋白質比例，經常不到百份之十六。
症狀 : 容易甩毛，尤其四肢及面部。
預防及治療 : 改善鼠糧，增加礦物質及維他命。
(三) 口腔及牙齒疾病
A. 咬合不正
原因 : 遺傳 或 經常咬籠。
症狀 : 無法正常進食、食慾減退、口部無法合好，經常流口水。
預防及治療 : 帶去獸醫處處理，嚴重可能要定期剪牙，避免過度咬籠。
B. 頰囊發炎
原因 : 長時間將食物放置向頰囊，較硬、較尖既食物亦會整傷頰囊。
症狀 : 頰囊發炎 / 頸部積膿，導致面部腫脹，產生腫瘤或流膿
預防及治療 : 帶去獸醫處理，服抗生素，嚴重時要做手術]。
(四) 呼吸及循環系統疾病
A. 細菌性肺炎 / 感冒
原因 : 溫度經常變化、溫差大、不潔環境中感染細菌 (不是單指鼠籠清潔問題，是全個家居環境清潔問題) 而引致發炎。
症狀 : 呼吸困難、鼻涕有膿、食慾不振、有眼屎、體溫比平時略高等症狀。
預防及治療 : 盡早看獸醫，保持環境及籠子清潔，溫度保持 20 ~ 24度，均衡飲食。
B. 心臟衰竭
原因 : 受到遺傳、環境、營養狀態影響，大多是大年紀之鼠鼠才會有。
症狀 : 呼吸困難、體重減輕、食慾不振、體溫下降、運動能力變差。
預防及治療 :服利尿劑、血管擴張劑 及 強心劑。限制運動，食物除要均衡外，並要低鹽、低脂肪 (瓜子花生盡量不要俾)、高纖維 (多給蔬菜)。
2008-07-24 13:14:59 補充：
請各位主人注意 : 在家中預備以下物品以備不時之需，有時晚上鼠鼠突然有事，自己可先行處理，待獸醫診所開門，有時好大機會救回鼠鼠一命…..
(1) 小動物止痾水
(2) 小動物止血散
(3) 外用消毒火酒
(4) 暖手包
(5) 營養粉
(6) 小動物用針筒
***注意 : 以上物品，每樣有效期不同，要留心到期日，到期未用要再買過。***
收錄日期: 2021-04-19 01:33:24
原文連結 [永久失效]:
https://hk.answers.yahoo.com/question/index?qid=20080722000051KK00529