去上海的航空公司選擇和價格問題！

A. 現時有5間航空公司提供來往香港<>上海的航線，分別係國泰航空、港龍航空、中國東方航空、上海航空、香港快運航空

以下為各航空公司8月23去，8月26返的機票價錢 [機票 稅]
不過要講聲唔好意思，未能提供全部機票的價錢，因為那兩間航空公司的價錢唔確實，所以唔放上來。

1. 國泰航空 (每日一班)
(單程) $ (1,970 291) = $2261
(來回) $ (3,240 566) = $3806

港龍航空 (每日十五班)
(所有航班與國泰航空為共享航班，但以港龍航空的班機運作)
(單程) $ (1,970 291) = $2261
(來回) $ (1,970 566) = $2536

中國東方航空(每日十四班)
(所有航班與上海航空為共享航班，但以東方航空的班機運作)
(未能提供) (相比之下比港龍便宜)

上海航空 (每日四班)
(未能提供) (相比之下比東方便宜)

香港快運航空 (每日兩班)
(單程) $ (1,970 291) = $2261
(來回) $ (2,550 566) = $3116

以上價格為航空公司訂位網頁於7月23號的價格。隨後可能會有所變動。以航空公司為準。

如果你係自助遊的話，我會建議你選擇專業旅運買機票，因為佢地做package 幾好，同埋靈活性高，如果你只係買機票，可以去航空公司直接購買。

B. 你上面所提及的三間航空公司，我都有坐過飛上海的航線，以下係我對佢地既評語。

1. 港龍航空 (屬於 OneWorld 會員附屬航空公司)
多用Airbus 330(中型)，機隊資素唔錯，同埋用電子機票，可能係香港航空公司關係，感覺上唔錯，同埋安全感會大d，機上既設施可以，無個人電視，不過經濟機位比較迫，所以出發前，要上網online check-in，揀自己鐘意既位，然後去機場自助check-in。飛機餐都okay，整體來講中上。

2. 東方航空
多用Boeing 737(細機)，機比較舊，經常要係登機閘坐巴士出停機坪上機，機上設施麻麻，無個人電視，坐位較迫，如果係坐中間的話，會幾辛苦。我自己覺得坐東方航空會好驚，可能係感覺上比較舊，安全感好低，飛機餐一般，唔建議選擇。

3. 上海航空 (為Star Alliance 會員)
多用Boeing 767 (中型)，坐第一次之前，因為有東方航空驚既前科，感覺唔會好得去邊，加上舊機票(一本本個d)同埋平，曾經好驚。點知上到機，發現同我想像既好唔同，係比我想像中好得好多好多，飛機係新一代既767，而且坐位較闊，舒適度較其他航空公司為佳，飛機餐都較其他航空公司好。雖然無個人電視，但全程都感覺好好，如果下一次坐的話我都會考慮揀上海航空。

以上都只係我自己既經驗，唔一定個個都覺得係咁，不過你都可以參考一下。

Any Tours天洋旅遊擁有三十年經驗，為您提供最優惠的機票！請即網上訂購特惠機票！http://www.anytours.com.hk/tch/Domestic-Flight/Shenzhen